ISAMBULO 13:8 - IsiNdebele 2012 Translation

⁸ Boke abantu abakhe ephasini bazasilotjha, iye, woke loyo ibizo lakhe elingakatlolwa encwadini yokuphila yeMvana eyahlatjwako kusukela ekusekelweni kwephasi.

ISAMBULO 13:8 Iomraidhean Croise

UGENESISI 22:7

U-Isaka wabiza uyise wathi: “Baba!” U-Abrahamu wasabela wathi: “Iye ndodanami!” U-Isaka wathi: “Amalahle avuthako neenkuni nanzi sinazo; alo, imvana yomhlabelo yona iphi?”

AMARHUBO 69:28

Ngezelela icala ecaleni labo, ungababali emsenakho.

U-EKSODUSI 32:32

Nokho bengithi uSomnini akalibalele isono sabesi. Nakube kuyabhala, ngiyarabhela, uSomnini akangisule encwadinakhe ayitlolileko.”

U-ISAYA 4:3

Labo abatjhiywe eZiyoni, abaseleko eJerusalema, bazakubizwa bona ngabacwengileko, iye, omunye nomunye eJerusalema obekatlolwe kobana aphile.

UDANYELA 12:1

“Ngesikhatheso uMikayeli ingilozi ekulu, omvikeli wabantu bekhenu uzakusikima. Kuzakubakhona isikhathi sesizi elikhulu esingazange khesibe khona emlandweni wokuphila kwezizwe bekube sikhathi esibekiweko. Kodwana esikhathineso boke abantu bekhenu abafunyanwa batlolwe encwadini, bazakutjhaphululwa.

UMATEWU 25:34

Yeke iKosi izakuthi kilabo abangesidleni sayo, ‘Yizani nina enibusiswe nguBaba! Thathani ilifa lenu okumbuso olungiselelwe nina kusukela ekudalweni kwephasi.

ULUKASI 10:20

Nokho ningathatjiswa kukobana imimoya emimbi inilalele, kodwana thokoziswani kukobana amabizwenu atloliwe ezulwini.”

UJWANISI 1:29

Ngomuso uJwanisi wabona uJesu asiza kuye, wathi: “Qalani nasiya iMvana kaZimu, esusa isono sephasi!

KWEBE-EFESU 1:4

Wasikhethela kuye ngaphambi kokudalwa kwephasi kobana sibe ngabacwengileko nabamsulwa ebusweni bakhe. Ngethando

KWEBEFILIPI 4:3

Iye, nawe ngiyakukhombela mnganami bona usize abomma laba ngombana batjhikatjhika nami emsebenzini wevangeli, bakanye noKlemente nabo boke abasebenzisana nami, labo amabizwabo angencwadini yokuphila.

UTITOSI 1:2

ethembeni lepilo engapheliko uZimu ongaleyi amala akuthembisa koke kungakathomi;

ISAMBULO 12:15

Nje-ke kwabhubhudlha amanzi aphuma ngemlonyeni wenyoka kwaba inga mlambo ngemva komfazi kobana akhukhulwe.

ISAMBULO 13:12

Besisebenzisa loke igunya lesibandana sokuthoma, siqalile. Sakatelela iphasi nabo boke abahlala kilo bona balotjhe isibandana sokuthoma, leso inceba laso lokufa ebesele lipholile.

ISAMBULO 17:8

Isibandana osibonileko sakhe saba khona kodwana kwanjesi asisekho; nje-ke sele sizokukhuphuka ngemgodini onganamkhawulo bese siyabhujiswa. Abantu bephasi amabizo wabo angakatlolwa encwadini yokuphila kwasesisekelweni sephasi, bazokumangala lokha nababona isibandana ngombana sakhe saba khona kodwana kwanjesi asisekho khisibe nokho sizakuba khona.

ISAMBULO 21:27

Kodwana akukho okusilapheleko okuyongena kiwo okutjho owenza amanyala namkha othoma amanga, kwaphela abatlolwe encwadini yokuphila yeMvana.

ISAMBULO 3:10

Njengombana uwulondile umyalo wami wokunyamezela ngesineke, nami-ke ngizokuhlenga nakufika isikhathi sokulingwa esizokwehlela loke ilizwe kobana kuzizinywe abakhileko ephasini.

ISAMBULO 3:20

Qala, ngijame emnyango ngiyakokoda! Nakube umuntu uzwa ilizwi lami avule, ngizakungena kuye ngidle naye, naye adle nami.

ISAMBULO 3:5

Ngokunjalo nohlulako uzokwembathiswa ezimhlophe, ibizo lakhe angekhe ngalesula encwadini yabaphilako; ngizolivuma phambi kwakaBaba naphambi kweengilozi zakhe.

ISAMBULO 5:12

zirhuba ngelizwi elikhulu zithi: “Ikufanele iMvana eyahlatjwako ukwamukela amandla nomnono, ukuhlakanipha nobukhosi, idumo, iphazimulo nokubatjazwa!”

ISAMBULO 5:13

Yeke ngezwa zoke iimbunjwa ezulwini nephasini, iye, nezingaphasi kwephasi nangelwandle, ngitjho nakho koke okukikho kukhalela kusithi: “Kiloyo ohlezi esihlalweni sobukhosi nakiyo iMvana akube lidumo, iphazimulo namandla ngokungapheliko nini nanini.”

ISAMBULO 6:1

Nje-ke ngabona iMvana inamulula elinye lamaphawu alikhomba; ngezwa esinye seembunjwa ezine eziphilako sirhuwelela inga mdumo sithi: “Yewuze!”