ISAMBULO 13:5 - IsiNdebele 2012 Translation

⁵ Isibandana sanikelwa umlomo okhuluma okuphakamileko namezwi wehlamba; begodu savunyelwa bona sisebenzise igunya laso iinyanga ezimatjhumi amane nambili.

ISAMBULO 13:5 Iomraidhean Croise

AMARHUBO 12:3

Bakhohlisana bodwa, banamalimu ambaqambili begodu babomalakazi.

UHEZEKIYELI 35:13

Ngemilonyanenu nizidumise ngokujamelana nami begodu nandise namezwenu ngakimi. Yeke ngikuzwile lokho.

UDANYELA 11:36

“Ikosi leyo izazenzela umathanda, iziphakamise ngokuzidumisa ngaphezu kwabozinyana begodu nangoZimu ongaphezu kwabozinyana izakukhuluma izinto ekungazange khezizwakale. Izakuphumelela bekube kulapha kuphela khona isikhathi selaka ngombana lokho okuhlosiweko kuzakwenziwa.

UDANYELA 12:12

Babusisiwe labo ababekezela bebafikelele ekupheleni kwamalanga ayikulungwana namakhulu amathathu namatjhumi amathathu nahlanu.

UDANYELA 7:11

“Ngaragela phambili ngaqala ngebanga letjhada lamezwi wokuzikhakhazisa kwephonjwanelo. Ngisaqalile njalo, isibandaneso sabulawa: Umzimbaso wabhujiswa bewaphoselwa emlilweni.

UDANYELA 7:20

Godu ngabuza nangeempondo ezilitjhumi ehloko yaso nangalelo elamilako kwase kuthi ezinye iimpondo ezintathu zasuswa phambi kwalo, okutjho iphondo ebelinamehlo nomlomo okhuluma ukuzazi begodu livelele kunezinye.

UDANYELA 7:25

Izakukhuluma amezwi ajamelene nongoPhezulu, ikhathaze abacwengileko bongoPhezulu begodu izakucabanga ukutjhugulula iinkhathi nomthetho, babe sesandleni sayo isikhathi, iinkhathi ezimbili nesiquntu.

UDANYELA 7:8

Ngithe ngisadlumbana ngeempondwezo, qala kwamila phakathi kwazo elinye godu iphondo elincani, lajamiselela zokuthoma ezintathu. Ephondwenapho bekunamehlo anjengowomuntu kanye nomlonyana okhuluma ukuzazi.

UDANYELA 8:14

Wangiphendula wathi: “Kuzakuthatha ukuhlwa nokusa okuziinkulungwana ezimbili namakhulu amathathu bese indawo ecwengileko iyahlanjululwa.”

2 KWEBETHESALONIKA 2:3

Akungabikho onikhohlisa ngananyana ngayiphi indlela ngombana ilangelo alizukuza ngaphambi kobana kufike ukuhlubuka qangi bekwembulwe emtarini loyo onganamthetho, obekelwe ukubhujiswa.

2 KWEBETHESALONIKA 2:4

Yena uzokuphikisa abe aziphakamise phezu kwananyana yini ebizwa ngoZimu namkha ekukulotjhwa kwakaZimu ukuze azibeke ethempelini lakaZimu, azibize bona unguZimu.

2 KWEBETHESALONIKA 2:8

Ngemva kwalapho-ke, loyo onganamthetho uzakwambulwa, iye, loyo iKosi uJesu ngomphefumulo womlomayo ezamrhayila ekubonakaleni kokuza kwayo.

ISAMBULO 11:7

Kuzakuthi lokha nasele baqede ubufakazi babo, isibandana siphume ngemgodini onganamkhawulo silwe nabo, sibahlule besibabulale.

ISAMBULO 12:14

Kodwana umfazi waphiwa iimpiko ezimbili zekhozi elikhulu bona aphaphele endaweni alungiselelwe yona ngerhalawumbeni, lapha azakondliwa khona kwesikhatjhana, iinkhatjhana nengcenye yesikhathi, lapha inyoka ingeze yamfikela khona.

ISAMBULO 12:6

umfazi yena wabalekela erhalawumbeni lapha bekanendawo ayilungiselwa nguZimu ukuze ondliwe lapho amalanga ayikulungwana namakhulu amabili anamatjhumi asithandathu.

ISAMBULO 13:7

Godu savunyelwa bona silwe nabacwengileko sibahlule. Saphiwa igunya phezu kweenkoro, kwemindeni, kweenlimi nezizwe.