ISAMBULO 13:10 - IsiNdebele 2012 Translation

¹⁰ Nangabe kukhona ogade azakuthunjwa, akaye ekuthunjweni! Nangabe kukhona ogade azakubulawa ngesabula, uzakubulawa ngesabula! Lokhu kubiza ukubekezela nokukholwa kwabacwengileko.

ISAMBULO 13:10 Iomraidhean Croise

U-ISAYA 14:2

Izizwe zizabathatha zibalethe endawenabo. Ikumba ka-Israyeli izazithumba njengamakhoboka namakhobokakazi enarheni kaSomnini. Bazakuthumba labo ebegade babathumbile, babuse phezu kwalabo ebegade babagandelele.

U-ISAYA 26:21

Qalani, uSomnini sele azokuphuma endawenakhe, kobana ahlunguphaze abahlali bephasi ngebanga lezono zabo. Iphasi lizakwembula iingazi ezithululwe kilo, angeze lisabafihla ababuleweko balo.

U-ISAYA 33:1

Uzazizwa wena mrhayili! Uzazizwa wena mkhohlisi! Azange khewurhayilwe, azange khewukhohliswe, kodwana nasele uqedile ukurhayila, nawe uzakurhayilwa, nasele ulisile ukukhohlisa, nawe uzakukhohliswa.

UJOROMIYA 15:2

Nabakubuza bathi ‘Alo, sizakuyaphi nje?’ yithi kibo, ‘Nakhu okutjhiwo nguSomnini: “ ‘Bokufa, abaye ekufeni; besabula, esabuleni; bendlala, endlaleni; nebokuthunjwa, basiwe ekuthunjweni.’ ”

UJOROMIYA 43:11

“ ‘Uzakuza, amadlhe inarha yeGibhide: Bokufa, baye ekufeni, bokuthunjwa, basiwe ekuthunjweni nebesabula, baye esabuleni.

ISILILO 3:26

Ulungile uSomnini, nje-ke, rhuluphela ngokuthula isindiswakhe.

URHABAKHUKHU 2:3

Ngambala isambulwesi sizakuzaliseka ngesikhathi esifaneleko; sikhuluma ngesiphetho, angeze savuka simamala. Nanyana siriyada nje, silindele, sizakuzaliseka nakanjani, angeze besiriyade.

UMATEWU 26:52

Kodwana uJesu wathi kuye: “Buyisela isabulakho endawenayo ngombana boke abarhwatjha isabula bazakufa ngesabula.

UMATEWU 7:2

ngombana indlela enigweba ngayo abanye nani nizokugwetjwa ngayo.

ULUKASI 21:19

Ngokubambelela kwenu nizakuzuza ipilo.”

KWEBEKOLOSE 1:11

niqiniswe ngawo woke amandla emandlenakhe amakhulu ukuze nibe nokudzimelela okukhulu kanye nokubekezela. Ngethabo

AMAHEBHERU 6:12

ningadondi, kodwana nilingise labo abathi ngokukholwa nangokunyamezela bazuza ilifa lesithembiso.

ISAMBULO 1:9

Mina Jwanisi, umzalwana wenu nomhlanganyeli kanye nani ekuhluphekeni, embusweni nekubekezeleni; bengisesihlengeleni sePatmosi ngebanga lelizwi lakaZimu nobufakazi ngoKrestu.

ISAMBULO 11:18

Izizwe zithukuthele kodwana ilaka lakho lifikile, okusikhathi sokugweba labo abangasekho ukuze uvuze iinceku zakho okubaphorofidi; iye, kuvuzwe nabacwengileko bakho okungilabo abesaba ibizo lakho, abakhulu nabancani begodu kubhujiswe labo ababhubhisa iphasi.”

ISAMBULO 14:12

Lokhu kubiza ukunyamezela kwabacwengileko, iye, labo abalalela imiyalo kaZimu, banamathele ekukholweni kuJesu.

ISAMBULO 16:6

“Ngebanga lokobana baphalaze iingazi zabacwengileko nabaphorofidi, ngikho nje ubanikele iingazi bona bazisele ngombana kubafanele!”

ISAMBULO 17:11

Nakusibanda esakhe saba khona kwanjesi asisekho, kuhlekuhle siyikosi yobunane kodwana singenye yalawa alikhomba kwaphela siyokubhujiswa.

ISAMBULO 17:8

Isibandana osibonileko sakhe saba khona kodwana kwanjesi asisekho; nje-ke sele sizokukhuphuka ngemgodini onganamkhawulo bese siyabhujiswa. Abantu bephasi amabizo wabo angakatlolwa encwadini yokuphila kwasesisekelweni sephasi, bazokumangala lokha nababona isibandana ngombana sakhe saba khona kodwana kwanjesi asisekho khisibe nokho sizakuba khona.

ISAMBULO 2:19

Ngiyayazi imisebenzakho, ithando nokukholwa kwakho, ukulotjha nokunyamezela kwakho nokuthi imisebenzakho idlula yokuthoma.

ISAMBULO 2:2

Ngiyayazi yoke imisebenzi yakho, ukukhuthala nokunyamezela kwakho. Ngiyazi bona uyabhalelwa ukubanyamezelela abambi; kodwana wabalinga labo abathi bona babapostoli khisibe abasibo, wabafumana barhwaya amanga.

ISAMBULO 3:10

Njengombana uwulondile umyalo wami wokunyamezela ngesineke, nami-ke ngizokuhlenga nakufika isikhathi sokulingwa esizokwehlela loke ilizwe kobana kuzizinywe abakhileko ephasini.

ISAMBULO 3:3

Nje-ke khumbula lokho okwamukeleko wakuzwa; kulalele uphenduke. Kodwana nawungaphaphamiko, ngizokukhokhobela njengesela, angekhe wazi bona ngizokufika kuwe ngasiphi isikhathi.