ISAMBULO 12:17 - IsiNdebele 2012 Translation

¹⁷ Ngalokho unomrhaso wabila khulu ngomfazi loyo, nje-ke wasuka wayokusahlela boke abantwana bakhe, okutjho labo abalalela imiyalo yakaZimu nababambelele ebufakazini bakaJesu.

ISAMBULO 12:17 Iomraidhean Croise

UGENESISI 3:15

Ngizakubeka ubutha phakathi kwakho nomfazi, naphakathi kweenzukulwana zakho neenzukulwana zakhe; zona zizakutshidlha ihlokwakho wena ulume isithende sazo.”

UDANYELA 11:36

“Ikosi leyo izazenzela umathanda, iziphakamise ngokuzidumisa ngaphezu kwabozinyana begodu nangoZimu ongaphezu kwabozinyana izakukhuluma izinto ekungazange khezizwakale. Izakuphumelela bekube kulapha kuphela khona isikhathi selaka ngombana lokho okuhlosiweko kuzakwenziwa.

UMATEWU 28:20

nibafundise ukwenza koke enginiyale ngakho. Ngambala nginani njalo bekube sekupheleni kwesikhathi.”

UJWANISI 8:44

Nibantwana bakayihlo uSathana, nithanda ukwenza iinkanuko zakayihlo. Kusukela ekuthomeni bekambulali, azange akhabe neqiniso ngombana akukho iqiniso kuye. Nakaleya amanga, ukhuluma lokho okuyimvelo yakhe ngombana ungusomalakazi noyise wamanga.

1 KWEBEKORINTE 2:1

Lokha nangifika kini bazalwana, azange ngize ngobugagu bokukhuluma namkha ngokuhlakanipha nangimemezela ubufakazi bakaZimu kini

1 UPITROSI 5:8

Zikhalimeni nihlale niqaphile; isitha senu uSathana utjhagala hlangana nani njengengwenyama ebhodlako, efuna ezomrhiribidela.

1 UJWANISI 2:3

Nje-ke ngalokhu siqinisekile bona siyamazi yena nakube silonda imiyalwakhe.

1 UJWANISI 5:10

Okholwa eNdodaneni kaZimu unabo ubufakazi ngehliziywenakhe. Ongakholwa kuZimu, umenze umleyimanga ngokungakholwa ebufakazini uZimu abukhulumileko ngeNdodanakhe.

1 UJWANISI 5:2

Ngalokho siyazi bona sithanda abantwana bakaZimu, lokha nasilonda imiyalwakhe.

ISAMBULO 1:2

owafakaza ngelizwi lakaZimu nangoJesu Krestu nangakho koke akubonileko.

ISAMBULO 1:9

Mina Jwanisi, umzalwana wenu nomhlanganyeli kanye nani ekuhluphekeni, embusweni nekubekezeleni; bengisesihlengeleni sePatmosi ngebanga lelizwi lakaZimu nobufakazi ngoKrestu.

ISAMBULO 11:7

Kuzakuthi lokha nasele baqede ubufakazi babo, isibandana siphume ngemgodini onganamkhawulo silwe nabo, sibahlule besibabulale.

ISAMBULO 12:16

Kodwana iphasi laba lisizo emfazini loyo; lavula umlomo walo laginya amanzi agade abhubhudlha emlonyeni wakanomrhaso.

ISAMBULO 13:7

Godu savunyelwa bona silwe nabacwengileko sibahlule. Saphiwa igunya phezu kweenkoro, kwemindeni, kweenlimi nezizwe.

ISAMBULO 14:12

Lokhu kubiza ukunyamezela kwabacwengileko, iye, labo abalalela imiyalo kaZimu, banamathele ekukholweni kuJesu.

ISAMBULO 17:14

Azokulwa neMvana kodwana iMvana yona izawahlula ngombana iyiKosi yamakhosi noMbusi wababusi; nalabo abangakiyo ngababiziweko, abakhethiweko nabathembekileko.”

ISAMBULO 17:6

Ngabona bona umfazi loyo bekadakwe ziingazi zabacwengileko neengazi zabofakazi bakaJesu. Kuthe lokha nangimbonako, ngabamba ongenzasi.

ISAMBULO 18:20

Thabani ngokubhubha kwawo, nina mazulu, nani abacwengileko, abapostoli nabaphorofidi ngombana uZimu uwugwebile wanibuyiselela ngawo.”

ISAMBULO 19:10

Ngalokho ngaguqa eenyaweni ngayilotjha kodwana yona yathi kimi: “Ungakwenzi lokho! Ngiyinceku kanye nawe nabazalwane bakho ababambelele ebufakazini bakaJesu. Lotjha uZimu ngombana ubufakazi bakaJesu bumumoya wokuphorofida.”

ISAMBULO 19:19

Nje-ke ngabona isibandana namakhosi wephasi kanye namabutho wawo kubuthenwe bona kususwe ipi nalowo okhwele injomani namabutho wakhe.

ISAMBULO 20:4

Ngabona iinhlalo zobukhosi, labo ebebahlezi kizo banikelwa amandla wokugweba. Ngabona nemiphefumulo yalabo abaquntwe iinhloko ngebanga lobufakazi babo ngoJesu nangelizwi lakaZimu. Abazange balotjhe isibandana namkha umfanekiso waso; begodu abazange babekwe iphawu laso eempandla zabo namkha ezandleni zabo. Babuya baphila bebabusa noKrestu ikulungwana yeminyaka.

ISAMBULO 22:14

“Babusisiwe labo abahlanza izembatho zabo ukuze babe nelungelo emthini wokuphila, bangene emzini ngamasango.

ISAMBULO 6:9

Lokha iMvana nayinamulula iphawu lesihlanu, ngabona ngaphasi kwe-aldari imiphefumulo yalabo egade babulewe ngebanga lelizwi lakaZimu nangebanga lobufakazi ababe nabo.