ISAMBULO 11:8 - IsiNdebele 2012 Translation

⁸ Iindumbu zabo ziyokurabhalala eendleleni zomuzi omkhulu obizwa ngokwesiphorofido bona yiSodoma neGibhide, lapha godu neKosi yabo yabethelwa khona.

ISAMBULO 11:8 Iomraidhean Croise

UGENESISI 13:13

Abantu beSodoma bebakhohlakele begodu bebasona khulu kuSomnini.

UGENESISI 19:24

Nje-ke uSomnini wanisa isibabuli esivuthako phezu kwedorobho leSodoma neGomora. Umlilo lowo bewehla uvela ezulwini.

U-EKSODUSI 20:2

“Mina Somnini nginguZimakho owakukhupha enarheni yeGibhide ekumbeni yobukhoboka.

U-EKSODUSI 3:7

Godu uSomnini wathi: “Ngambala ngibonile amatlhuwiso wabantu bami eGibhide. Ngisizwile isililo sabo ngebanga labatjhotjhozeli. Iye, ngiyalazi isizi labo.

U-ISAYA 3:9

Ukukhetha kwabo ubuso ebandla kufakaza ngabo; njengeSodoma banegugu ngesono sabo abe abafihli. Bazazizwa ngombana bazehlisele ihlekelele!

UJOROMIYA 23:14

Phakathi kwabaphorofidi beJerusalema khona ngabona nasi into ekghabhudlhako: Bayahlobonga bebaphile ngamala. Baqinisa izandla zabenzi bobumbi, ukuze kungabikho ophendukako ebukhohlakalini bakhe. Boke sebafana neSodoma kimi, iye, abantu beJerusalema sebafana neGomora.”

UJOROMIYA 26:23

Bakhupha u-Uriya eGibhide bamletha ekosini uJehoyakhimu owambulala ngesabula. Isidumbu sakhe saphoselwa lapha kulahlelwa abantukazana.)

UHEZEKIYELI 16:46

Udadwenu omkhulu liSamariya ebelihlala namadodakazalo ngetlhagwini kuwe; kuthi udadwenu omncani ongesewula kuwe kube liSodoma namadodakazalo.

UHEZEKIYELI 16:49

‘Nje-ke yelela, nanti icala lakadadwenu iSodoma: Yena namadodakazakhe bebaphakeme, bangasweli ukudla begodu bazigedlile kodwana akhange babonelele abachakileko nabadududu,

UHEZEKIYELI 23:19

Nanyana kunjalo wathuwelela nobungwadla bakhe, akhumbula imihla yobutjha bakhe yalokha nangwadla enarheni yeGibhide,

UHEZEKIYELI 23:27

Ngendlela leyo ngizakuphelisa ukuziphatha ngameswe kwakho nobungwadla bakho owabuya nabo eGibhide ukuze ungasaphakamiseli amehlwakho kibo namkha ukhumbule iGibhide godu.”

UHEZEKIYELI 23:3

Wona gade angwadla eGibhide; iye, angwadla ebutjheni bawo. Lapho amabelawo apotozwa nobutlawu beengono zawo zancinzwancinzwa.

UHEZEKIYELI 23:8

Akhange alise ubungwadla bakhe agade asoloko abenza eGibhide lapha amasokana bekalala naye khona ebutjheni bakhe, ancinzancinza ubutlawu beengono zakhe, athululela ubungwadla bawo phezu kwakhe.

UHEZEKIYELI 37:11

Nje-ke uSomnini wathi kimi: “Ndodana yomuntu, amathambo la angiyo yoke indlu yakwa-Israyeli. Ihlalele ukuthi, ‘Amathambethu omile nethemba lethu liphelile begodu siquntiwe.’

U-AMOSI 4:11

“Ngabhubhisa inengi lenu njengombana ngabhubhisa iSodoma neGomora. Benifana nesikhuni esivuthako esirhwatjhwe emlilweni. Kodwana azange niphendukele kimi.” Kutjho uSomnini.

UMATEWU 10:15

Ngiqinisile ngiyanitjela bona kuzokuba ngcono enarheni yeSodoma neGomora ngomhla wokuphela kunomuzi lowo.”

IZENZO ZABAPOSTOLI 9:4

Waduleka phasi, wezwa ilizwi lisithi kuye: “Sawula, Sawula, ungizumelani na?”

AMAHEBHERU 13:12

Ngokunjalo-ke noJesu naye wahlunguphazwa ngaphandle kwesango ukuze acwengise abantu ngeengazi zakhe.

AMAHEBHERU 6:6

nasele khebahlubuka kulikhuni ukubaphendula ngombana ngokuhlubuka kwabo babuye godu bayibethele esiphambanweni iNdodana kaZimu bayithela ngehlazo epepeneneni.

2 UPITROSI 2:6

iye, imizi yeSodoma neGomora wayirhayila ngokuyiphendula yaba mlotha, wayenza isibonelo salokho okuzakwenzeka kilabo abangamesabiko.

UJUDA 1:7

Ngokufanako, iSodoma neGomora kanye nemizi ebhodileko yazibandakanya emabayini ngendlela emameswe nedazukileko, yaba sibonelo sokuhlunguphazwa ngokutjhiswa ngomlilo wesiphelani.

ISAMBULO 11:13

Khonokho kwaba khona ukusikinyeka kwephasi bekwadilika kwetjhumi komuzi. Kwafa abantu abaziinkulungwana ezilikhomba ekusikinyekeni lokho; inengi lesaba beladumisa uZimu wezulwini.

ISAMBULO 11:9

Abantu abavela emindenini, eenkorweni, eenlimini nezizweni bayokurhudulela iindumbu zabo amehlo amalanga amathathu nesiquntu bebangavumi bona zibulungwe.

ISAMBULO 14:20

Ubutlhodlhelo bewayini bagadangwa ngaphandle komuzi, kwavinyilika iingazi ebutlhodlhelweni zaba zinengi zaphakama bekwaba sematomini weenjomani, kwaba libanga ebelingaba mamayela angaba makhulu amabili.

ISAMBULO 14:8

Nje-ke enye ingilozi yesibili yalandela yathi: “Liwile, liwile iBhabheli elikhulu! Ngilo elenza bona zoke izizwe zisele iwayini lelaka lobungwadla balo!”

ISAMBULO 16:19

Umuzi omkhulu waphadlhuka iingcenye ezintathu nemizi yezizwe yawa. UZimu wakhumbula iBhabheli elikhulu, walinikela iwayini lelaka lobukhali bakhe.

ISAMBULO 17:1

Nje-ke kweza kimi enye yeengilozi ezilikhomba iphethe izitja ezilikhomba yathi kimi: “Yewuze, ngithanda ukukutjengisa isigwebo sengwadlakazi ehlezi phezu kwamanzi amanengi,

ISAMBULO 17:18

“Umfazi ombonileko umumuzi omkhulu obusa ngaphezu kwamakhosi wephasi.”

ISAMBULO 17:5

Epandla yakhe bekunebizo elitlolwe ifihlo ethi: “Bhabheli elikulu, nina weengwadla namanyala wephasi.”

ISAMBULO 18:10

Azakujama buqamamana ngokwesaba ukuhlunguphazwa kwalo athi: “Maye, maye kuwe, muzi omkhulu, Bhabheli muzi onamandla! Ukugwetjhwa kwakho kukufikele nge-awara linye.”

ISAMBULO 18:18

barhahlawula isililo lokha nababona intuthu yokutjha kwalo, bathi: “Ngiwuphi umuzi owakhe wafana nomuzi omkhulu lo?”

ISAMBULO 18:2

Yarhuwelela ngelizwi elikhulu yathi: “Liwile! Liwile iBhabheli elikhulu! Seliyindawo yokuhlala amadimoni, isikhungo sayo yoke imimoya esilapheleko, isikhungo seenyoni zoke ezisilapheleko, isikhungo sazo zoke iinbadana ezisilapheleko nezizondekileko.

ISAMBULO 18:21

Yeke ingilozi enamandla yadobha ilitje elinjengelokusila yaliphosa ngelwandle, yathi: “Ngiyo-ke le indlela iBhabheli, umuzi omkhulu eliyokuphoswa ngayo phasi, lingabe lisabonwa godu.

ISAMBULO 18:24

“Ngaphakathi kwakho kwafunyanwa iingazi zabaphorofidi, zabacwengileko nezalabo ababulawako ephasini.”