ISAMBULO 11:2 - IsiNdebele 2012 Translation

² kodwana ungayilinganisi ikundla engaphandle kwethempeli, ilise ngombana inikelwe izizwe begodu zizokugadanga emzini ocwengileko iinyanga ezimatjhumi amane nambili.

ISAMBULO 11:2 Iomraidhean Croise

AMARHUBO 79:1

Irhubo laka-Asafa. Awu Zimu, izizwe ziza elifeni lakho, zisilaphaze ithempeli lakho elicwengileko, zenze iJerusalema yaba marubhi.

U-ISAYA 48:2

iye, labo abazibiza ngedorobho elicwengileko abazesame kuZimu ka-Israyeli, ibizo lakhe elinguSomnini uMninimandlawoke.

U-ISAYA 5:5

Nje-ke, ngizonitjela bona ngizokwenzani ngesidiribe samesi: Ngizokususa isibiyelo saso bona sidliwe; ngigirize nomthangalaso bona sirathwe.

U-ISAYA 52:1

Vuka, vuka wena Ziyoni, zembathise amandla. Yembatha izambatho zakho zakanokutjho, wena Jerusalema, dorobho elicwengileko ngombana abatjhili nabangahlambulukiko angeze basangena kuwe godu.

ISILILO 1:10

Isitha selulele isandla saso phezu kwawo woke amagugwalo begodu libone izizwe zizingenela endawenalo ecwengileko, wena Somnini owayala kobana zingangeni ehlanganwenakho.

UHEZEKIYELI 4:6

Lokha nasele uqedile lokho, uzakulala kwesibili ngehlangothi langesidleni, uthwale isibetho sendlu yakwaJuda. Ngikujamisele amalanga amatjhumi amane, ilanga linye lijamele umnyaka.

UHEZEKIYELI 42:20

Ngendlela leyo walinganisa amahlangothi womane. Indawo leyo gade izombelezwe ngomthangala omamitha amakhulu amabili namatjhumi amahlanu ubude namamitha amakhulu amabili namatjhumi amahlanu ububanzi. Umthangala lowo bewuhlukanisa indawo ecwengileko kejayelekileko.

UDANYELA 12:7

Indoda eyembethe zelineni egade iphezu kwamanzi womlambo leyo yaphakamisela isidla nesincele sayo ezulwini; ngayizwa ifunga ngaloyo ophila isiphelani yathi: “Kuzakuba sikhathi, iinkhathi nesiqunto sesikhathi. Kuzakuthi lokha ukuqotjwa kwamandla wabantu abacwengileko nasele kuphelile, zoke izintwezi zizaliseke.”

UDANYELA 7:19

“Nje-ke ngathanda ukwazisisa kuhle mayelana nesibandana sesine ebegade sehlukile kunezinye; sethusa kokwethusa, sinamazinyo wesimbi neenzipho zekoporo; iye, leso ebesirhiribidele ngokuphohloza bese kuthi okuseleko sikufihlize ngeenyawo.

UDANYELA 7:25

Izakukhuluma amezwi ajamelene nongoPhezulu, ikhathaze abacwengileko bongoPhezulu begodu izakucabanga ukutjhugulula iinkhathi nomthetho, babe sesandleni sayo isikhathi, iinkhathi ezimbili nesiquntu.

UDANYELA 8:10

Lasoloko likhula belafika emkhambathini womkayi, laphosa phasi ezinye zeendalwa ezilapho, okutjho iinkwekwezi, lagadanga phezu kwazo.

UDANYELA 8:13

Nje-ke ngezwa ocwengileko akhuluma, godu ngezwa nomunye ocwengileko asithi kimi: “Sizakuba ngangani isikhathi sombono omayelana nomhlabelo wangemihla neemphambeko ezibhubhisako na? Kuzabe kube nini indawo ecwengileko kanye nomsebenzi wokulotjha usilaphazwa na?”

UDANYELA 8:14

Wangiphendula wathi: “Kuzakuthatha ukuhlwa nokusa okuziinkulungwana ezimbili namakhulu amathathu bese indawo ecwengileko iyahlanjululwa.”

UNUMERI 14:34

Isibalo samalanga amatjhumi amane enahlola ngawo inarha, sizakuba minyaka ematjhumi amane nisoloko nihlunguphazelwa izono zenu. Ilanga linye libe mnyaka. Nje-ke nizakwazi bona kunjani nanginifulathelako.

UMATEWU 27:53

Baphuma ngemathuneni, kwathi ngemva kobana uJesu avukile ekufeni, baya ngedorobheni elicwengileko, bazibonakalisa ebantwini abanengi.

UMATEWU 4:5

Yeke uSathana wathatha uJesu wamusa edorobheni elicwengileko, wamjamisa esiqongolweni sethempeli;

UMATEWU 5:13

“Nina nilitswayi lephasi, kodwana itswayi nasele liqwatjhile, ubutswayi balo bungabuyiselwa njani na? Alisenamsebenzi, kwaphela selilungele ukulahlelwa ngaphandle, abantu baligadange.

ULUKASI 21:24

Abanye bazokubulawa ngesabula, abanye benziwe iimbotjhwa kizo zoke izizwe. IJerusalema izakugadangelwa phasi ngabatjhili kufikela lapha isikhathi sabo siphela khona.”

AMAHEBHERU 10:29

Alo, ucabanga bona uzakuhlunguphazwa kangangani loyo oqalela phasi iNdodana kaZimu, athi iingazi zesivumelwano ezimcwengisako zisilaphele abuye ahlambalaze noMoya womusa na?

ISAMBULO 11:11

Kodwana ngemva kwamalanga amathathu nesiquntu kwangena kibo ummoya ophilisako uvela kuZimu, nje-ke basikima bajama ngeenyawo, kwathi labo abababonako bafikelwa kukwesaba.

ISAMBULO 11:3

Ngizokunikela abofakazi bami ababili amandla wokuphorofida amalanga ayikulungwana enamakhulu amabili namatjhumi asithandathu.”

ISAMBULO 12:6

umfazi yena wabalekela erhalawumbeni lapha bekanendawo ayilungiselwa nguZimu ukuze ondliwe lapho amalanga ayikulungwana namakhulu amabili anamatjhumi asithandathu.

ISAMBULO 21:10

KuMoya yangithwala yangisa entabeni ekulu nephakamileko, yangitjengisa umuzi ocwengileko okutjho iJerusalema, wehlela phasi uvela ezulwini kuZimu.

ISAMBULO 21:2

Ngabona umuzi ocwengileko, iJerusalema elitjha, lehla livela kuZimu ezulwini, lilungiswe njengomlobokazi aqobotjhelele umyeni wakhe.

ISAMBULO 22:19

nangabe kukhona ophungula emazwini wesiphorofido sencwadi le, uZimu uzakususa isabelo sakhe emthini wokuphila nemzini ocwengileko, ekuzizinto ezihlathululwe encwadini le.