ISAMBULO 11:13 - IsiNdebele 2012 Translation

¹³ Khonokho kwaba khona ukusikinyeka kwephasi bekwadilika kwetjhumi komuzi. Kwafa abantu abaziinkulungwana ezilikhomba ekusikinyekeni lokho; inengi lesaba beladumisa uZimu wezulwini.

ISAMBULO 11:13 Iomraidhean Croise

UGENESISI 6:4

Ngeenkhathezo nangemuva kwalokho bekukhona iintsitsirimba ephasini ngombana amadodana kaZimu alalana namadodakazi wabantu abelethelwa abantwana. Labo-ke bekuziingorho zeenkhathi zakade, okubabantu abanedumo.

U-ISAYA 29:6

Uzakukhanjelwa nguSomnini uMninimandlawoke ngomdumo, ukusikinyeka kanye netjhada elikhulu; ngesivunguvungu nangesiwuruwuru kanye namalangabi womlilo oqothulako.

UJOROMIYA 13:16

Nikelani uSomnini uZimenu idumo ngaphambi kobana alethe ubumnyama, iye, ngaphambi kobana nizithareje emibundwini ebumnyameni. Nizakulinda umkhanyo, kodwana uzawenza ube lithunzi elesabekako iye, ubumnyama obumabhombo.

UMALAKI 2:2

Lokha naningalaleliko, nihloniphe ibizo lami ngokuncamileko, ngizokuthumela amanikelela phezu kwenu begodu ngifelelise iimbusiso zenu. Vele, ngizazifelelisa naningancamiko.” Kutjho uSomnini uSomandla.

UJWANISI 9:24

Kwesibili godu bambiza umuntu owabelethwa asiphofu, bathi kuye: “Funga phambi koZimu bona uzakhuluma iqiniso! Siyazi thina bona umuntu lo sisoni.”

IZENZO ZABAPOSTOLI 1:15

Emihleni leyo uPitrosi wasikima wakhuluma hlangana nabazalwana ebebangaba likhulu namatjhumi amabili,

UJOTJHUWA 7:19

UJotjhuwa wathi ku-Akani: “Ndodanami, nikela idumo kuSomnini uZimu wakwa-Israyeli, uvume kuSomnini, ungitjele koke okwenzileko ungangifihleli litho.”

ISAMBULO 11:11

Kodwana ngemva kwamalanga amathathu nesiquntu kwangena kibo ummoya ophilisako uvela kuZimu, nje-ke basikima bajama ngeenyawo, kwathi labo abababonako bafikelwa kukwesaba.

ISAMBULO 11:19

Ithempeli lakaZimu ezulwini lavuleka petle, kwabonakala i-aldari lesivumelwano lingethempelinapho; begodu bekukhona ukubaneka kwemibani, ukuraramba, ukutletlebula kokuduma kwezulu, ukusikinyeka kwephasi kanye namagidija wesinanja.

ISAMBULO 14:7

Yarhuwelela yathi: “Mesabeni uZimu nimphazimulise ngombana isikhathi sakhe sokugweba sesifikile! Mlotjheni loyo owenza izulu nephasi, ilwandle nemithombo yamanzi.”

ISAMBULO 15:4

Somnini, ngubani ongekhe akwesaba begodu adumise ibizo lakho na? Lokhu kungebanga lokobana nguwe wedwa ocwengileko. Izizwe zoke ziyokufika zilotjhe phambi kwakho ngombana iingwebo zakho zisepepeneneni.”

ISAMBULO 19:7

Asithokoze sithabe, siphakamise idumo lakhe ngombana ubukhazi beMvana sebufikile, umlobokazi wayo selazilungisile.

ISAMBULO 3:4

Nokho kusesekhona abantu abambalwa eSardisi abangakasilaphazi izambatho zabo; bazokukhamba nami bembethe ezimhlophe ngombana bafanele.

ISAMBULO 6:12

Lokha iMvana nayinamulula iphawu lesithandathu, ngaqala, qala bekunokusikinyeka kwephasi okukhulu: Ilanga lafiphala laba nzima njengomsizi, inyanga yaba njengeengazi;

ISAMBULO 8:5

Nje-ke ingilozi yathatha idengela yalizalisa ngomlilo we-aldarini, yawurhatjha ephasini; kwaba khona ukuduma nokuraramba, ukuphazima kombani nokusikinyeka kwephasi.

1 USAMYELA 6:5

Bumbani imifanekiso yamathumba aniphetheko neyabongozo ababhubhisa inarha, ninikele uZimu wakwa-Israyeli idumo. Mhlamunye uzakususa isandla sakhe phezu kwenu, kibozimenu nenarhenenu.