ISAMBULO 11:1 - IsiNdebele 2012 Translation

¹ Nganikelwa ilithi lokulinganisa elinjengedondolo bekwathiwa kimi: “Sikima ulinganise ithempeli ne-aldari lakaZimu, ubale nalabo abalotjha lapho,

ISAMBULO 11:1 Iomraidhean Croise

U-ISAYA 28:17

Ngizakwenza ubulungiswa bube silinganiso, nokulunga kube sinqophisamakho. Isinanja sizakumadlha isiphephelo samala namanzi awulukele phezu kobusithelo.

UDANYELA 7:27

Nje-ke umbuso nobukhosi, ubukhulu bemibuso engaphasi kwezulu buzakunikelwa abantu abacwengileko bongoPhezulu. Umbuswabo uzakuba ngowesiphelani, yoke imibuso izabalotjha beyibathobele.’

UNUMERI 33:18

Afuduka eRhatserothi ahloma eRitima.

2 KWEBEKORINTE 6:16

Linasivumelwano bani ithempeli lakaZimu nabosingazimu na? Thina silithempeli lakaZimu ophilako, njengombana uZimu wathi: “Ngizokuhlala ngaphakathi kwabo bengikhambe hlangana nabo, ngibe nguZimabo, bona babe babantu bami.”

1 UPITROSI 2:5

nani-ke njengamatje aphilako, nakhelwe endlini yokommoya kobana nibe buphristi obucwengileko, ninikele imihlabelo yokommoya eyamukelekako kuZimu ngoJesu Krestu.

1 UPITROSI 2:9

Kodwana nina nisisizwe esikhethiweko, ubuphristi bobukhosi, isizwe esicwengileko, abantu ekungebakaZimu kobana nitjhumayele imisebenzi yamandla yaloyo owanibiza bona niphume ebumnyameni nize ekukhanyeni kwakhe okukarisako.

ISAMBULO 10:11

Nje-ke kwathiwa kimi: “Kufanele ubuye uphorofide godu ngabantu abanengi, ngezizwe, ngeenlimi nangamakhosi.”

ISAMBULO 21:15

Ingilozi eyangikhulumisako beyiphethe ilithi lokulinganisa legolide kobana ilinganise ngalo umuzi namasango wawo kanye nemithangala yawo.