ISAMBULO 1:16 - IsiNdebele 2012 Translation

¹⁶ Esandleni sakhe bekaphethe iinkwekwezi ezilikhomba, emlonyenakhe kwavela isabula ebukhali ncazombili, ubuso bakhe baphazima njengelanga elibaleleko.

ISAMBULO 1:16 Iomraidhean Croise

UJOBHO 38:7

lokha iinkwekwezi zokusa nazibhina ndawonye, namadodana woke kaZimu narhuwelela ngethabo?

AMARHUBO 45:3

Uyaqaleka wena kunabantu boke; isisa sithululelwe eembheneni zakho ngombana uZimu ukubusise isiphelani.

INGOMA YEENGOMA 6:10

Ngubani lo olunguza entunjeni omuhle inga yinyezi, okhanya njengelanga nomanyazela njengamabutho aphethe iimpawu na?

U-ISAYA 11:4

Iye, lizakugweba abadududu ngokulunga, kwabasweleko bephasi liqinte ngokulinganako. Lizakurhadla iphasi ngentonga yeembhena zalo; ngomphefumulo womlomalo libhubhise iinkhohlakali.

U-ISAYA 24:23

Inyezi egcweleko izakudana, ilanga libe neenhloni ngombana uSomnini uMninimandlawoke uzakubusa, entabeni yeZiyoni neJerusalema, aveze iphazimulwakhe ebaphathini babantu bakhe.”

U-ISAYA 49:2

Wenza umlomami waba njengesabula ebukhali, wangifihla emthunzini wesandla sakhe; wangenza ngaba msubela ophazimako wangithukusa ngesilandeni sakhe.

UDANYELA 12:3

Abahlakaniphileko bazakukhanya njengokudarha komkayi, kuthi labo abadosela abanye emthethweni wokulunga, bakhanye nini nanini njengeenkwekwezi.

UDANYELA 8:10

Lasoloko likhula belafika emkhambathini womkayi, laphosa phasi ezinye zeendalwa ezilapho, okutjho iinkwekwezi, lagadanga phezu kwazo.

UMALAKI 4:2

“Kodwana kini enesaba ibizo lami, kuzakuphuma ilanga lokulunga linokuphilisa emisebenalo. Nizakuphuma nitune njengamathole nakaphuma egoqweni.

UMATEWU 17:2

Lapho-ke waphazimuliswa phambi kwabo. Ubuso bakhe baphazima njengelanga nezambatho zakhe zaba mhlophe zakhanya.

IZENZO ZABAPOSTOLI 26:13

Kwathi emini ekulu ngisesendleleni, wena ohloniphekileko, ngabona umkhanyo omkhulu kunelanga uphazima, wangizombeleza nalabo ebengikhamba nabo.

KWEBE-EFESU 6:17

Yamukelani isindiso ibe sikupuru, ilizwi lakaZimu libe yisabula kaMoya.

AMAHEBHERU 4:12

Mbala ilizwi lakaZimu liphilile, linamandla, libukhali kunesabula esika mahlangothi womabili. Lihlaba lingene beliyofika ehlanganweni yomphefumulo nommoya, amalungu nommongo; likwazi ukuhlukanisa imicabango nemizindlo yehliziyo.

ISAMBULO 1:20

Ifihlakalo yeenkwekwezi ezilikhomba ozibonileko ngesidleni sami kanye nezinti zegolide zeembani ezilikhomba zingilokhu: Iinkwekwezi ezilikhomba ziziingilozi zamabandla alikhomba nezinti zeembani ezilikhomba zegolide zimabandla alikhomba.”

ISAMBULO 10:1

Ngabona enye ingilozi enamandla amakhulu yehla ezulwini, iphuthelwe lilifu inezungu leKosi ehloko. Ubuso bayo bebunjengelanga nemilenzayo injengeensika zomlilo.

ISAMBULO 12:1

Kwavela isibonakaliso esimangazako ezulwini: Umfazi embethe ilanga, inyezi ingaphasi kweenyawo zakhe, ehloko athwele isihlohlo seenkwekwezi ezilitjhumi nambili.

ISAMBULO 19:15

Emlonyenakhe kuphuma isabula ebukhali, ngayo urhayila izizwe begodu uzazibusa ngentonga yesimbi. Uzakugadangela ubutlhodlhelo bobukhali nebelaka lakaZimu uMninimandlawoke.

ISAMBULO 19:21

Inengi labulawa ngesabula eyaphuma emlonyeni waloyo okhwele injomani; nje-ke zoke iinyoni zayidla bezayiqala nje inyama yeendumbu zabo.

ISAMBULO 2:1

“Kiyo ingilozi yebandla le-Efesu tlola uthi: Naku umlayezo waloyo ophethe iinkwekwezi ezilikhomba esandleni sakhe sesidla, okhamba hlangana nezinti zeembani zegolide ezilikhomba:

ISAMBULO 2:12

“Kiyo ingilozi yebandla lePhergamu tlola uthi: Naka amezwi waloyo ophethe isabula ebukhali ngapha nangapha:

ISAMBULO 2:16

Nje-ke phenduka! Nakungasinjalo ngiyeza kuwe masinyana kobana ngilwe nabo ngesabula yomlomami.

ISAMBULO 3:1

“Kiyo ingilozi yebandla leSardisi tlola uthi: Naka amezwi waloyo ophethe imimoya elikhomba yakaZimu kanye neenkwekwezi ezilikhomba, uthi ngiyayazi imisebenzakho begodu udume ngelokuthi uyaphila kanti ufile.

ABAKHOKHELI 3:16

U-Ehudi wazenzela isabulana ebukhali mahlangothi woke nengaba masentimitha amatjhumi amathathu ubude, wayibophelela enyongenakhe yangesigomeni ngaphakathi kwezambatho zakhe.

ABAKHOKHELI 5:31

“Azibhubhe bunjalo zoke izitha zakho, Somnini! Kodwana abangani bakho bafane nelanga, lona eliphuma ngamandlalo.” Yeke inarha yaba nokuthula iminyaka ematjhumi amane.