2 UTHIMOTHI 3:2 - IsiNdebele 2012 Translation

² Abantu bazakuba ngabazithandako, abathanda imali, abazikhukhumezako, abazigqajako, abahlambalazako, abangalaleli ababelethi, abangathokoziko, abangakahlanzeki,

2 UTHIMOTHI 3:2 Iomraidhean Croise

AMARHUBO 10:3

Isikhohlakali sikhuzela iimfiso zaso, sibongelele inzuzwaso, sinyefule uSomnini.

AMARHUBO 49:6

Alo, kubayini kufuze ngesabe ngesikhathi esimbi, lokha ubukhohlakali babakhohlisi nabungizombileko,

AMARHUBO 52:1

Kumkhaleli; iMaskili; lakaDavida

IZAGA 6:17

amehlo aziphakamisako, ilimu elileya amala, izandla eziphalaza iingazi ezimsulwa,

U-ISAYA 10:15

Izembe vane khelizikhukhumeze phezu kogawula ngalo na? Isarha yona iyazikhakhazisa phezu kosarha ngayo na? Umtjhiza wona uyamjuguja owuphakamisako namkha intonga iphakamise ongasiso isigodo na?

UDANYELA 11:36

“Ikosi leyo izazenzela umathanda, iziphakamise ngokuzidumisa ngaphezu kwabozinyana begodu nangoZimu ongaphezu kwabozinyana izakukhuluma izinto ekungazange khezizwakale. Izakuphumelela bekube kulapha kuphela khona isikhathi selaka ngombana lokho okuhlosiweko kuzakwenziwa.

UDANYELA 7:25

Izakukhuluma amezwi ajamelene nongoPhezulu, ikhathaze abacwengileko bongoPhezulu begodu izakucabanga ukutjhugulula iinkhathi nomthetho, babe sesandleni sayo isikhathi, iinkhathi ezimbili nesiquntu.

UMATEWU 15:6

akukameli bona, ‘ahloniphe uyise’ ngento leyo. Ngalokho nilahla ilizwi lakaZimu ngebanga lamasikwenu.

ULUKASI 12:15

Godu uJesu wakhuluma kibo boke wathi: “Yelelani! Hlalani niqaphele boke ubumarhamaru ngombana ipilo yomuntu ayikabunjwa ngobunengi bepahlakhe.”

ULUKASI 16:14

AbaFarisi abathanda imali bezwa koke lokho, bakokomeja uJesu.

ULUKASI 6:35

Nje-ke nina thandani izitha zenu nizenzele okulungileko, zibolekeni ningafuni imbuyiselo. Yeke umvuzo wenu uzakuba mkhulu bese niba madodana wongoPhezulu ngombana yena ulungile kilabo abangathokoziko nabakhohlakeleko.

IZENZO ZABAPOSTOLI 5:36

Esikhathini esinye esadlulako uTheyudasi wakhe wavela wazikhuluma bona yena mkhulu, walandelwa madoda amakhulu amane. Yena wabulawa, abalandeli bakhe boke barhatjheka, koke kwaphenduka ilize.

KWEBEROMA 11:18

ungazikhukhumezi eengalenezo. Nakube uyazikhukhumeza, khumbula bonyana akusuwe othwele umrabhu kodwana mrabhu othwele wena.

2 KWEBEKORINTE 5:15

Wafela boke ukuze kuthi labo abaphilako bangasaziphileli bona, kodwana baphilele yena owabafelako bewavuswa.

KWEBEFILIPI 2:21

Boke abanye bazifunela kwabo, abanandaba nokufunwa nguJesu Krestu.

KWEBEKOLOSE 3:5

Nje-ke bulalani koke okukini okungekwemvelo yephasini: ubudzewuri, ukusilaphala, ikanuko, iimfiso ezimbi nobumarhamaru, okukulotjha abosingazimu.

2 KWEBETHESALONIKA 2:4

Yena uzokuphikisa abe aziphakamise phezu kwananyana yini ebizwa ngoZimu namkha ekukulotjhwa kwakaZimu ukuze azibeke ethempelini lakaZimu, azibize bona unguZimu.

1 UTHIMOTHI 1:20

Hlangana nabo ngingabala uHimenewu no-Alekzandra, engibanikele kuSathana ukuze bafunde ukungahlambalazi.

1 UTHIMOTHI 1:9

Begodu siyazi bona umthetho awukabekelwa olungileko, kodwana ubekelwe izeqamthetho namahlongandlebe, abangatjhiswako ngoZimu nabazizoni, abanameswe nabarhubutjhekileko, ababulala aboyise nabonina, abababulali,

1 UTHIMOTHI 3:3

Angabi sidakwa nesilwi, kodwana abe ngozothileko nongananturhu, angabi ngothanda imali.

1 UTHIMOTHI 6:10

Ngombana ukuthanda imali kumrabhu wakho koke okumbi. Abanye ngokulangazela ukunjinga bahlubuke ekukholweni bebazihlaba ngeenhlungu ezinengi.

1 UTHIMOTHI 6:4

ukhukhumele onjalo begodu akazi ilitho. Unekanuko embi yokuphikisana, godu unombango wamezwi abanga ukufelana umona, umbango, ukuhlambalaza nokuzindlekelelana ngokumbi;

2 UTHIMOTHI 3:4

abakhaphelako, abawalazelako, abazitjhayako, abathanda injabulo kunobanyana bathande uZimu;

UJAKOPO 2:8

Kwamambala nizabe nenza okufaneleko nanilonda umthetho wobukhosi njengombana kutloliwe kwathiwa: “Thanda umuntu omunye njengombana uzithanda wena!”

UJAKOPO 4:16

Kunalokho niyazikhukhumeza ekuzigabaziseni kwenu; koke ukuzigabazisa okunjalo kumbi.

UJAKOPO 4:6

Kodwana upha umusa ngokweqileko, ngalokho umtlolo uthi: “UZimu ujamelana nabazikhukhumezako, kodwana abazithobako ubapha umusa.”

1 UPITROSI 5:5

Ngendlela enjalo nani lutjha, thobelani abadala. Noke yembathani ukuthobelana ekusebenzisaneni kwenu omunye komunye ngombana: “UZimu ujamelene nabazikhukhumezako. Kodwana ubehlisela umusa abazithobileko.”

2 UPITROSI 2:10

khulukhulu labo abazifaka eenkanukweni zenyama zokonakala nabangahloniphi abaphathi. Bamaphikakani, bayazitjhaya begodu abesabi nokuhlambalaza abacwengileko,

2 UPITROSI 2:12

Kodwana laba abahlambalazako banjengeembandana ezinganamkhumbulo, ezizalelwe ukubanjwa nokubulawa. Bahlambalaza ngezinto abangazaziko; nje-ke nabo bazokubhujiswa njengazo iimbandanezo,

2 UPITROSI 2:18

Bakhuluma amezwi wokuzitjhaya alilize, bakhohlisa ngeenkanuko zabantu benyama abasanda ukuphunyuka kilabo abaphambukileko.

2 UPITROSI 2:3

Ngokuba marhamaru kwabo bazonidlelezela ngamezwi wobugalajani. Kwakade balengelwa kulahlwa nokubhujiswa kwabo akukayathi.

UJUDA 1:16

Laba kubabantu abakhalalako nabasolako; balandela iinkanuko zabo; bayazigqaja begodu balutha abanye ukuze bafumane inzuzo.

ISAMBULO 13:1

Ngabona isibandana senyuka siphuma elwandle, sineempondo ezilitjhumi neenhloko ezilikhomba. Phezu kweempondo zaso lezo bekuneenhlohlo ezilitjhumi kuthi phezu kweenhloko kube namagama weenhlamba.

ISAMBULO 16:11

Bahlambalaza uZimu wezulwini ngebanga leenhlungu neenlonda zabo, begodu azange baphenduke ezenzweni zabo.

ISAMBULO 16:21

Isinanja esineengidija ezinobudisi obungaba makhilogremu amatjhumi amane nahlanu, sawulukela phezu kwabantu sehla ezulwini. Abantu bahlambalaza uZimu ngebanga lobuhlungu besinanja ngombana besesabeka kokufa.

ISAMBULO 16:9

batjha ngomtjhiso obukhali kodwana bathuka ibizo lakaZimu okunguye ogade alawula phezu kweenhlupheko lezo; begodu azange baphenduke bona bamdumise.