2 UTHIMOTHI 3:1 - IsiNdebele 2012 Translation

¹ Yazi lokhu bona ngemihla yokuphela kuzokufika iinkhathi ezibudisi kwamambala.

2 UTHIMOTHI 3:1 Iomraidhean Croise

UGENESISI 49:1

UJakopo wabiza amadodanakhe wathi: “Bizanani nihlangane ukuze nginitjele bonyana kuzokwenzakalani kini esikhathini esizako.

U-ISAYA 2:2

Kuzakuthi emihleni yokuphela intaba yethempeli lakaSomnini inzinziswe esiqongolweni seentaba. Izakuphakanyiswa ngaphezu kwemibundu nezizwe zoke ziwulukele kiyo.

UJOROMIYA 48:47

“Kodwana emalangeni ezako ngizokutjhugulula ubujamo bakwaMowabi.” Kutjho uSomnini. Isigwebo sakwaMowabi siphelela lapha.

UJOROMIYA 49:39

“Kodwana emalangeni ezako ngizokutjhugulula ubujamo be-Elamu.” Kutjho uSomnini.

UHEZEKIYELI 38:16

Kwamambala uzakurhwanta ujamelene nabantu bami u-Israyeli, iye, njengelifu elembese inarha. Esikhathini esizako ngizakwenza uqalane nenarhami ukuze izizwe zingazi lokha nangizibonakalisa ngani phambi kwazo bona mina ngicwengile’.

UDANYELA 10:14

Nje-ke, ngize kobana uzwisise lokho okuzokwehlela abantu bekhenu emihleni yokuphela ngombana kusese nombono omunye omayelana nesikhathi esizako.’

UDANYELA 11:36

“Ikosi leyo izazenzela umathanda, iziphakamise ngokuzidumisa ngaphezu kwabozinyana begodu nangoZimu ongaphezu kwabozinyana izakukhuluma izinto ekungazange khezizwakale. Izakuphumelela bekube kulapha kuphela khona isikhathi selaka ngombana lokho okuhlosiweko kuzakwenziwa.

UDANYELA 12:11

Kusukela esikhathini sokususwa komhlabelo wokutjhiswa wangemihla nokujanyiswa kwesinyenyiso esibhubhisako kuzakuba yikulungwana namakhulu amabili namatjhumi alithoba wamalanga.

UDANYELA 12:7

Indoda eyembethe zelineni egade iphezu kwamanzi womlambo leyo yaphakamisela isidla nesincele sayo ezulwini; ngayizwa ifunga ngaloyo ophila isiphelani yathi: “Kuzakuba sikhathi, iinkhathi nesiqunto sesikhathi. Kuzakuthi lokha ukuqotjwa kwamandla wabantu abacwengileko nasele kuphelile, zoke izintwezi zizaliseke.”

UDANYELA 7:8

Ngithe ngisadlumbana ngeempondwezo, qala kwamila phakathi kwazo elinye godu iphondo elincani, lajamiselela zokuthoma ezintathu. Ephondwenapho bekunamehlo anjengowomuntu kanye nomlonyana okhuluma ukuzazi.

UHOSIYA 3:5

Ngemuva kwalokho, ama-Israyeli azokubuya afune uSomnini uZimawo noDavida ikosawo. Azakubuyela kuSomnini ngokuzithoba okukhulu; abuyele ebuhleni azabuphiwa nguSomnini emihleni yokuphela.

UMIKHA 4:1

Kuzakufika isikhathi lapha intaba yethempeli lakaSomnini izakunzinza khona esiqongolweni seentaba; izakuphakanyiswa yengamele imibundu yoke; yeke izizwe zizayirhuluphela.

2 UTHIMOTHI 4:3

ngombana siyeza isikhathi lapho abantu bangeze bakhambisana khona nefundiso ephilileko. Kunalokho bazozibuthelelela abafundisi kobana banelise ubuzikazikani beendlebe zabo.

2 UPITROSI 3:3

Kokuthoma kufuze nizwisise lokhu bonyana emalangeni wokuphela kuzakufika abanyefuli banyefule balandele iinkanuko zabo zokonakala

1 UJWANISI 2:18

Bantwana, sekusikhathi sokuphela, njengombana nizwile bona owaphika uKrestu uyeza; nje-ke abaphika uKrestu abanengi sebafikile. Ngalokho siyazi bona sekusikhathi sokuphela.

UJUDA 1:17

Kodwana nina bathandekako, khumbulani amezwi akhulunywa ngaphambilini bapostoli beKosethu uJesu Krestu.

UJUDA 1:18

Bathi kini: “Ngemihla yokuphela kukhona abazanihleka ihlaya, bakhambe ngeenkanuko zabo ezimbi.”