2 UTHIMOTHI 2:2 - IsiNdebele 2012 Translation

² Lokho owangizwa ngikufundisa phambi kwabofakazi abanengi, kudlulisele ebantwini abathembekileko abazakwazi nabo ukukufundisa abanye.

2 UTHIMOTHI 2:2 Iomraidhean Croise

U-EZRA 7:10

U-Ezra lo bekabeke ihliziywakhe ekufundeni umthetho kaSomnini uZimu nokobana awenze begodu bekazimisele ukufundisa iimiso nemiyalwayo kwa-Israyeli.

U-EZRA 7:25

Nje-ke wena Ezra, ngokuhlakanipha onakho owakuphiwa nguZimakho, beka abakhokheli nabagwebi abazi imithetho kaZimakho ukuze bagwebe boke abantu ngesifundeni sangetjingalanga yomlambo iYufrathe. Labo abangayaziko imithetho leyo, ubafundise yona.

UNERHEMIYA 7:2

Godu ngabeka umfowethu uRhanani kanye noRhananiya induna yobuphephelo bona babe baqapheli beJerusalema. URhananiya loyo gade athembeke khulu begodu ayindoda edlula abanengi ngokwesaba uZimu.

AMARHUBO 101:6

Ngikhetha abaqotho enarheni ukuze bakwazi ukuphila nami; okhamba endleleni epheleleko nguye ongangisebenzela;

IZAGA 13:17

Isithunywa esikhohlakeleko siwela engozini, kodwana esithembekileko siletha ukuphila.

UJOROMIYA 23:28

Umphorofidi onebhudango akalitjho ibhudangwelo nonelizwi elibuya kimi akalikhulume ngokwethembeka. Amakhoba ahlangana njani namabele na?” Kutjho uSomnini.

ULEVITIKUSI 14:42

Kuzakuthathwa amanye amatje ajamiselele alahliweko bese usinda indlu leyo butjha ngehlabathi.

UMALAKI 2:7

“Ngambala iimbhena zomphristi kufanele zilonde ukwazi, emlonyenakhe kube nomyalo ngombana yena usithunywa sakaSomnini uSomandla.

UNUMERI 12:7

Nokho akusinjalo ngencekwami uMosi, yena ungothembekileko emsebenzinami woke.

UMATEWU 13:52

Yena wathi kibo: “Yeke woke umfundisi womthetho ofundiswe ngombuso wezulu ufana nomnikazi wekumba okhupha ngebulungelweni lakhe amagugu amatjha namadala.”

UMATEWU 24:25

Qalani, nginitjele lokhu ngaphambi kobana kufike isikhathi.

ULUKASI 12:42

IKosi yaphendula yathi: “Alo-ke ngubani umphathi othembekileko nohlakaniphileko na? Ngiloyo ikosi ezambeka bona aqale iinceku zayo kobana aziphe ukugoma kwazo ngesikhathi esifaneleko na?

1 KWEBEKORINTE 4:2

Yeke kuyadingeka bona labo abaphathisiweko babonakalise ukuthembeka kwabo.

2 KWEBEKORINTE 2:14

Akathokozwe uZimu ohlala asirhola njalo ngedwendwe lokuhlula kuKrestu nophutjheza ngathi iphunga elimnandi lelwazi lakhe yoke indawo.

2 KWEBEKORINTE 3:5

Akutjho bona siyakghona thina ngokwethu ukuzizuzela ilitho, kodwana nguZimu osikghonisako.

KWEBEKOLOSE 1:7

Lokhu nakufunda ku-Ephafrasi othandekako noyinceku kanye nathi. Usisebenzi sakaKrestu esithembekileko ngebanga lenu

1 UTHIMOTHI 1:12

Ngiyamthokoza uKrestu Jesu iKosethu owangipha amandla ngombana wangithemba wangibeka emsebenzinakhe,

1 UTHIMOTHI 1:18

Thimothi ndodanami, ngikunikela umyalo lo ukuya ngokweemphorofido ezenziwe ngawe phambilini khona kuzakuthi nawuzilandelako, ulwe ukulwa okuhle,

1 UTHIMOTHI 4:14

Ungasiliseleli isiphiwo esikuwe owasamukeliswa ngesiphorofido nangokubekwa izandla baphathi bebandla.

1 UTHIMOTHI 4:6

Nangabe ubeka izintwezi phambi kwabazalwana, uyokuba sisebenzi esihle sakaKrestu Jesu, esizondla ngelizwi lokukholwa nefundiso elungileko osele ukakarele kiyo.

1 UTHIMOTHI 5:22

Ungarhabi ubeke izandla phezu kwananyana ngubani, begodu ungahlanganyeli ezonweni zabanye; hlala umsulwa.

1 UTHIMOTHI 6:12

Yilwa ukulwa okuhle kokukholwa, ubambelele ekuphileni okungapheliko owabizelwa kikho nowenza ngakho isivumo esihle phambi kwabofakazi abanengi.

2 UTHIMOTHI 3:10

Nje-ke wena wayilandela ifundiswami, ukuziphatha kwami, ihloswami yepilo, ukukholwa kwami, ukunyamezela kwami, ithando lami, ukuqinisela kwami,

2 UTHIMOTHI 3:14

Kodwana wena kakarela kilokho okufundileko nakilokho onesiqiniseko ngakho, ukwazi bona ukufunde kubani.

AMAHEBHERU 2:17

Nje-ke kwamfanela ukuba njengabafowabo kikho koke, khona azakuba mphristi omkhulu onesirhawu nothembekileko emsebenzini kaZimu, abe yihlawulo yokubuyisana kwezono zabantu.

1 USAMYELA 2:35

“Ngizazivusela ngokwami umphristi othembekileko, ozakwenza njengombana ngithanda ehliziywenami nemkhumbulwenami. Ngizamakhela indlu eqinileko. Yena asebenze ngeenkhathi zoke phambi kwekosi engizayikhetha.