2 UTHIMOTHI 1:3 - IsiNdebele 2012 Translation

³ Ngiyamthokoza uZimu engimlotjha ngesazelo esimsulwa njengombana abokhokho bami gade basenza. Ngikukhumbula njalo emithandazwenami emini nebusuku.

2 UTHIMOTHI 1:3 Iomraidhean Croise

ULUKASI 2:37

Ngemva kwalapho waba mhlolokazi bewaba neminyaka ematjhumi abunane nane. Azange akhe asuke ethempelini kodwana bekadumisa ubusuku nemini, azila ukudla athandaza.

IZENZO ZABAPOSTOLI 22:3

“Kokwakho mina ngimJuda, ngabelethelwa eTarsusi yeSilisiya, kodwana ngakhulela khona edorobhenelo eenyaweni zakaGamaliyeli, ngafundiswa ngokutjhubileko ngokuya ngomthetho wabokhokho, ngitjhisakalela uZimu njengombana nani noke ninjalo namhlanje.

IZENZO ZABAPOSTOLI 23:1

UPowula waqala thwi phezu kwamadoda wesigungu sabarholi bamaJuda, wathi kiwo: “Bafowethu, ngiphile phambi kwakaZimu ngonembeza omsulwa bekube nanamhlanjesi.”

IZENZO ZABAPOSTOLI 24:14

Kodwana nakhu engikuvumako kuwe kobana ngesaba uZimu wabokhokho bami ngokulandela iNdlela leyo abathi kuqhema, godu ngiyakholwa kizo zoke izinto ezitlolwe emthethweni neencwadini zabaphorofidi.

IZENZO ZABAPOSTOLI 24:16

Yeke ngalinga ngamandlami woke bona ngibe nomkhumbulo otsengileko phambi koZimu nabantu.

IZENZO ZABAPOSTOLI 26:4

“Woke amaJuda ayayazi ipilwami kusukela ngisemncani; iye, ipilo engayiphila kusukela ekuthomeni hlangana nabantu bekhethu nangeJerusalema.

IZENZO ZABAPOSTOLI 27:23

Ebusuku bayizolo kuze ingilozi kaZimu engingowakhe nengimlotjhako yajama ngakimi,

KWEBEROMA 9:1

Ngikhuluma iqiniso kuKrestu, angirhwayi amanga; nonembezami uyakuqinisa lokho ngoMoya oCwengileko,

2 KWEBEKORINTE 1:12

Iye, nakhu ukuzigqaja kwethu: Unembeza wethu uyafakaza bonyana ephasinapha, khulukhulu mayelana nobudlelwano bethu nani, saziphatha ngokucwenga nangokuthembeka okuvela kuZimu. Senza njalo ingasi ngokokuhlakanipha kwephaseli kodwana ngokomusa kaZimu.

KWEBEGALATIYA 1:14

Besele nginendima ekulu ebuJudeni, sele ngiphala namaJuda amanengi abontanga begodu bengitjhabatjheka khulu ngamasiko wabobaba.

KWEBE-EFESU 1:16

azange ngilise ukunithokoza, ngihlala nginikhumbula emithandazwenami.

1 KWEBETHESALONIKA 3:10

Sithandaza ngamandla imini nobusuku ukuze sibonane nani ubuso nobuso, sivuselele koke okutlhayelako ekukholweni kwenu.

1 UTHIMOTHI 1:19

udzimelele ekukholweni nesazelweni esihle; okuthe abanye ngokukudela lokho, umkhumbi wabo wokukholwa waphahlazeka.

1 UTHIMOTHI 1:5

Ihloso yomyalo lo lithando elivela ehliziyweni emhlophe nesazelweni esimsulwa kanye nekukholweni okungazenzisiko.

1 UTHIMOTHI 5:5

Umhlolokazi onganabani, osele asele yedwa, ubeke ithemba lakhe kuZimu, uhlala ekuncengeni nekuthandazeni ubusuku nemini.

2 UTHIMOTHI 1:5

Godu ngikhunjuzwa ukukholwa kwakho kweqiniso, iye, ukukholwa okwathoma kwaba kugogwakho uLowisi nonyoko uYunike, engineqiniso bona kuhlezi kuwe.

2 UTHIMOTHI 3:15

Kwebuntwaneni wayazi imitlolo ecwengileko enamandla yokukupha ukuhlakanipha kube kusindiswa ngokukholwa kuKrestu Jesu.

AMAHEBHERU 13:8

UJesu Krestu unguye izolo, namhlanje nanini nanini.

1 USAMYELA 12:23

Mina angizukona phambi kwakaSomnini ngokubhalelwa kunirabhelela. Begodu ngizanifundisa indlela ehle nelungileko.