1 UTHIMOTHI 5:3 - IsiNdebele 2012 Translation

³ Hlonipha abahlolokazi abanganabani.

1 UTHIMOTHI 5:3 Iomraidhean Croise

UJOBHO 29:13

Uzulani nangibusisako bengibusiseka bese ngijabulise ihliziyo yomhlolokazi.

UJOBHO 31:16

Ngiyafunga bona azange ngigodle iinrhuluphelo zabadududu, namkha ngifiphaze amehlo womhlolokazi.

AMARHUBO 146:9

USomnini ulonda iinkhonzi, asekele iintandani nabahlolokazi; kodwana indlela yeenkhohlakali uyayiphambanisa.

AMARHUBO 68:5

Rhubelani uZimu, nidumise ibizo lakhe, hlokomani kiloyo okhwele amafu; ibizo lakhe nguSomnini, nililizele phambi kwakhe.

AMARHUBO 94:6

Zibulala umhlolokazi nesikhonzi, iye, zitjhabalalisa iintandani,

U-EKSODUSI 20:12

Yazisa uyihlo nonyoko khona kuzakwanda amalangakho wokuphila endaweni oyiphiwa nguSomnini uZimakho.

UJOROMIYA 49:11

Nawutjhiya iintandani zakho, kumele mina ngizivikele na? Abahlolokazi bakho kufanele bathembele kimi na?”

UMATEWU 15:6

akukameli bona, ‘ahloniphe uyise’ ngento leyo. Ngalokho nilahla ilizwi lakaZimu ngebanga lamasikwenu.

UMATEWU 23:13

“Maye, kini bafundisi bomthetho nani baFarisi, nina bazenzisi ndina! Nivalele abantu kobana bangangeni embusweni wezulu. Nina ngokwenu aningeni, begodu anivumeli labo abalinga ukungena!

ULUKASI 2:37

Ngemva kwalapho waba mhlolokazi bewaba neminyaka ematjhumi abunane nane. Azange akhe asuke ethempelini kodwana bekadumisa ubusuku nemini, azila ukudla athandaza.

ULUKASI 7:12

Kwathi bona afike esangweni ledorobho, wabona umngcwabo uphuma. Umufi loyo bekuyindodana eyodwa tere yomhlolokazi. Nje-ke isiqubuthu esikhulu sedorobhenelo besinaye.

UJWANISI 1:47

UJesu wabona uNathaniyeli asiza kuye, wakhuluma ngaye wathi: “Nangu umIsrayeli wamambala, onganamanga.”

IZENZO ZABAPOSTOLI 6:1

Kwathi lokha inani labafundi nalisiya lisanda, kwaba khona ukukhalala hlangana namaJuda akhuluma isiGirigi ngamaJuda akhuluma isiHebheru ngombana athi abahlolokazi bawo abatjhejwa ekwabelweni kwangamalanga.

IZENZO ZABAPOSTOLI 9:39

UPitrosi wasikima wakhamba nabo. Nafikako, bamusa ngelawini elingehla. Boke abahlolokazi bamzomba, balila bamkhombisa izambatho neempahla ezinye uDorkasi azithunga asaphila nabo.

IZENZO ZABAPOSTOLI 9:41

UPitrosi wamsiza ngokumsikimisa, wabiza abacwengileko nabahlolokazi wabanikela yena sele aphila.

UDUTERONOMI 10:18

Iye, uSomnini ujamela intandani nomhlolokazi, uthanda isikhonzi, ubapha ukugoma nokokwembatha.

UDUTERONOMI 14:29

AmaLevi anganasabelo nelifa phakathi kwenu, iinkhonzi kanye neentandani nabahlolokazi abasemadorobhenenu beze bazogoma babethe esimonyongwana. Ngaleyondlela uSomnini uZimenu uzanibusisa kiwo woke umsebenzi wezandla zenu eniwenzako.

UDUTERONOMI 16:11

Nijekezele phambi kwakaSomnini uZimenu, nina namadodana namadodakazenu, amakhoboka namakhobokakazenu, amaLevi asemadorobhenenu, iinkhonzi, iintandani kanye nabahlolokazi abaphakathi kwenu, endaweni ezakukhethwa nguSomnini uZimenu bona ajamise ibizo lakhe lapho.

UDUTERONOMI 16:14

Yenamani ngomnyanyenu lowo, nina namadodana namadodakazenu, amakhoboka namakhobokakazenu, amaLevi, iinkhonzi, iintandani nabahlolokazi abaphakathi kwamadorobhenu.

UDUTERONOMI 27:19

“Akanikelelwe umuntu ohlanakezela ilungelo lesikhonzi, lentandani nelomhlolokazi.” Boke abantu bazakuthi: “Amen!”

1 KWEBETHESALONIKA 2:6

Besingafuni idumo ebantwini, sengitjho nakini imbala namkha kinanyana ngubani. Njengabapostoli bakaKrestu, nanyana besinegunya lokuba mthwalo kini,

1 UTHIMOTHI 5:2

abadala abasikazi ubaphathe njengabonyoko kuthi abasesebatjha ubaphathe njengabodadwenu ngobumsulwa obupheleleko.

UJAKOPO 1:27

Ukukholwa okumsulwa nokungikho phambi kwakaZimu onguBaba ngilokhu: kukhambela iintandani nabahlolokazi ekubandezelekeni kwabo nokuzilonda ungasilaphazwa liphasi.

1 UPITROSI 2:17

Hloniphani boke abantu, nithande abazalwana, nesabe uZimu benihloniphe umbusi.

1 UPITROSI 3:7

Ngokunjalo nani madoda, philisanani nabo ngokubazwisisa, nibacabangele ngokwazi bona babuthakathaka begodu nabo baziindlalifa zomusa wokuphila kanye nani; kwenzeni lokho ukuze imithandazo yenu ingaliyeki.