1 UTHIMOTHI 4:1 - IsiNdebele 2012 Translation

¹ UMoya oCwengileko ukutjho ngokukhanyako bona ngamalanga wokuphela abanye bayokuhlubuka ekukholweni banake imimoya ekhohlisako neemfundiso zamadimoni.

1 UTHIMOTHI 4:1 Iomraidhean Croise

UGENESISI 3:13

Nje-ke uSomnini wathi emfazini: “Yintobani oyenzileko le?” Umfazi waphendula wathi: “Yinyoka engirhwalileko, yeke ngadla.”

1 AMAKHOSI 13:18

Umphorofidi omdala wathi: “Nami ngimphorofidi njengawe. Ingilozi ithe kimi ngelizwi lakaSomnini, ‘Mbuyise eze kwakho ukuze agome isikwa abe asele namanzi.’ ” Kodwana bekamrhwala.

U-ISAYA 2:2

Kuzakuthi emihleni yokuphela intaba yethempeli lakaSomnini inzinziswe esiqongolweni seentaba. Izakuphakanyiswa ngaphezu kwemibundu nezizwe zoke ziwulukele kiyo.

UJOROMIYA 23:26

Kuzabe bekube kunini kobana phakathi kwabaphorofidi kube nalabo abaphorofida amala, iye, abaphorofidi abanekohliso eenhliziyweni zabo na?

UJOROMIYA 48:47

“Kodwana emalangeni ezako ngizokutjhugulula ubujamo bakwaMowabi.” Kutjho uSomnini. Isigwebo sakwaMowabi siphelela lapha.

UJOROMIYA 49:39

“Kodwana emalangeni ezako ngizokutjhugulula ubujamo be-Elamu.” Kutjho uSomnini.

UHEZEKIYELI 1:3

ilizwi lakaSomnini mbala leza kimi, mina mphristi uHezekiyeli umsa kaBhuzi, enarheni yamaKasidi emlanjeni iKebari. Isandla sakaSomnini saba phezu kwami lapho.

UHEZEKIYELI 38:16

Kwamambala uzakurhwanta ujamelene nabantu bami u-Israyeli, iye, njengelifu elembese inarha. Esikhathini esizako ngizakwenza uqalane nenarhami ukuze izizwe zingazi lokha nangizibonakalisa ngani phambi kwazo bona mina ngicwengile’.

UDANYELA 10:14

Nje-ke, ngize kobana uzwisise lokho okuzokwehlela abantu bekhenu emihleni yokuphela ngombana kusese nombono omunye omayelana nesikhathi esizako.’

UHOSIYA 3:5

Ngemuva kwalokho, ama-Israyeli azokubuya afune uSomnini uZimawo noDavida ikosawo. Azakubuyela kuSomnini ngokuzithoba okukhulu; abuyele ebuhleni azabuphiwa nguSomnini emihleni yokuphela.

UMIKHA 4:1

Kuzakufika isikhathi lapha intaba yethempeli lakaSomnini izakunzinza khona esiqongolweni seentaba; izakuphakanyiswa yengamele imibundu yoke; yeke izizwe zizayirhuluphela.

UNUMERI 24:14

Iye, ngiyagoduka-ke nje, ngiya ekhethu. Yizapha ngikulemukise bona abantwaba bazokwenzani ebantwini bakho ngomuso.”

UMATEWU 18:7

“Maye kilo iphasi ngebanga leenkhubekiso! Iinkhubekiso zizakulokhu zivela, kodwana maye emuntwini eziza ngaye!

ULUKASI 17:1

UJesu wathi ebafundini bakhe: “Izinto ezenza abantu bone zimele ukubakhona, kodwana maye kiloyo eziza ngaye!

UJWANISI 16:13

Kodwana kuzakuthi lokha uMoya weqiniso nasele afikile, uzanidosela kilo loke iqiniso ngombana akakazokukhuluma okungekwakhe, kodwana uzakukhuluma lokho akuzwako, anibikele nangalokho okuzako.

IZENZO ZABAPOSTOLI 13:2

Kuthe basadumisa iKosi bazilile, uMoya oCwengileko wathi: “Ngahlukaniselani uBharinabhasi banoSawula kobana baye emsebenzini engibabizele wona.”

IZENZO ZABAPOSTOLI 17:18

Godu nezinye izazi zama-Ephikuru namaSitoyika zaphikisana naye. Abanye bathi: “Ongazizwako lo uzama ukuthini na?” Abanye baphawula bathi: “Kwangathi utjhumayela abosingazimu abatjhili.” Lokhu bakutjho ngombana bekatjhumayela ivangeli ngoJesu nokuvuka kwabafileko.

IZENZO ZABAPOSTOLI 20:23

ngaphandle kokuthi uMoya oCwengileko ufakaza kimi emadorobheni woke ukuthi isikhungo nokuhlunguphazwa kungilindile.

IZENZO ZABAPOSTOLI 21:11

Weza kithi wathatha ibhande lakaPowula, wazibopha ngalo iinyawo nezandla, wathi: “Nakhu okutjhiwo nguMoya oCwengileko, ‘Ngayo indlela le, umninibhandeli uzokubotjhwa maJuda ngeJerusalema, amkhaphele kabatjhili.’ ”

IZENZO ZABAPOSTOLI 28:25

Nje-ke baphikisana babodwa, kodwana bathoma ukukhamba ngemva kobana uPowula athe: “UMoya oCwengileko bekaqinisile nakakhuluma kibokhokho benu ngomphorofidi u-Isaya asithi,

1 KWEBEKORINTE 10:20

Awa, nginqophe ekutheni imihlabelo yabarhedeni yenzelwe amadimoni; ingasi uZimu. Nje-ke angithandi bona nihlanganyele namadimoni.

1 KWEBEKORINTE 11:19

Kufanele kube khona ukuhlukana phakathi kwenu ukuze kubonakale bona ngibaphi abaneqiniso.

1 KWEBEKORINTE 12:11

Koke lokhu kumsebenzi kaMoya munye, begodu unikela omunye nomunye njengokubona kwakhe.

1 KWEBEKORINTE 2:10

Ngalokho uZimu ukwambulile lokho kithi ngoMoyakhe.

2 KWEBEKORINTE 11:3

Kodwana nginevalo ngani kobana njengombana u-Efa akhohliswa yinyoka enobuqili, imikhumbulo yenu nayo ingahle iyengwe ekuzinikeleni kwenu kuKrestu okuqotho nokumsulwa.

UDUTERONOMI 32:29

Nangathana bebahlakaniphile, bebazakghona ukuzwisisa lokhu, bahlole bona siyini isiphetho sabo.

UDUTERONOMI 4:30

Lokha nanisematshwenyekweni bese zoke izintwezi zehlela phezu kwenu emalangeni wokugcina, nizakubuyela kuSomnini uZimenu nilalele ilizwi lakhe,

KWEBEKOLOSE 2:18

Akungabikhona umuntu onitjhaphisako, othanda ukuzenza othobileko khisibe ulotjha iingilozi abe akakarele emibonweni, azikhukhumeze ngelize emikhumbulwenakhe yenyama.

2 UTHIMOTHI 3:13

Kodwana iinkhohlakali nabakhohlisi bazakuragela phambili ebumbini, badukisa nabo badukiswa.

2 UTHIMOTHI 4:4

Bazokufulathela iqiniso badlhemadlheme ngemva kweenolwana.

UJAKOPO 3:15

Ukuhlakanipha okunjalo akuveli ezulwini kodwana kungokwephasi, kunobusathana

1 UPITROSI 1:20

Yena wajanyiswa ngaphambilini iphasi lingakasekelwa, kodwana wabonakaliswa eenkhathini zokuphela ngebanga lenu.

2 UPITROSI 2:1

Abaphorofidi bamanga bebavele bakhona hlangana nabantu, njengombana kuzakubakhona abafundisi bamanga phakathi kwenu abazakungenisa ngasese iimfundiso ezibhubhisako. Bazakuphika ngitjho noMbusi owabahlawulelako, ngalokho-ke bazilethela ngokwabo ukurhayilwa okumsinyana.

2 UPITROSI 3:3

Kokuthoma kufuze nizwisise lokhu bonyana emalangeni wokuphela kuzakufika abanyefuli banyefule balandele iinkanuko zabo zokonakala

1 UJWANISI 2:18

Bantwana, sekusikhathi sokuphela, njengombana nizwile bona owaphika uKrestu uyeza; nje-ke abaphika uKrestu abanengi sebafikile. Ngalokho siyazi bona sekusikhathi sokuphela.

1 UJWANISI 4:6

Thina singebakaZimu, loyo owazi uZimu uyasilalela; loyo ongasuye wakaZimu akasilaleli. Ngalokhu sazi ummoya weqiniso nommoya wamanga.

UJUDA 1:18

Bathi kini: “Ngemihla yokuphela kukhona abazanihleka ihlaya, bakhambe ngeenkanuko zabo ezimbi.”

UJUDA 1:4

Nje-ke sebangene ngokukhukhutha labo okwatlolwa ngabo ekadeni bona bangabokulahlwa. Bababantu abangesabi uZimu nabaphendulela umusa kaZimethu emesweni begodu baphika okunguye kwaphela uMnikazi wethu, iKosi uJesu Krestu.

ISAMBULO 13:14

Begodu ngeembonakaliso esaphiwa bona sizenze phambi kwesibanda sokuthoma, sakhohlisa abakhileko ephasini. Sabatjela bona babumbe isithombesibunjwa sesibanda ebegade sinengozi yesabula, kodwana nokho sabuye saphila.

ISAMBULO 16:14

Lokhu kumimoya yamadimoni agila iziga; begodu iya emakhosini wephasi loke ukuwabutha bona alwe ipi ngelanga elikhulu lakaZimu uMninimandlawoke.

ISAMBULO 18:2

Yarhuwelela ngelizwi elikhulu yathi: “Liwile! Liwile iBhabheli elikhulu! Seliyindawo yokuhlala amadimoni, isikhungo sayo yoke imimoya esilapheleko, isikhungo seenyoni zoke ezisilapheleko, isikhungo sazo zoke iinbadana ezisilapheleko nezizondekileko.

ISAMBULO 18:23

Angekhe kusakhanya isibani kuwe; itjhada lokusina kwedwendwe angekhe lisezwakala kuwe; abarhwebi bakho bebaziinkhulu zephasi, begodu ngobuloyi bakho walutha zoke izizwe.

ISAMBULO 19:20

Sabanjwa isibandanasabotjhwa kanye nomphorofidi wamanga ogade agila iimangaliso phambi kwaso alutha ngazo labo ebebamukele iphawu lesibandana nalabo ebebalotjha umfanekiso waso. Labo bobabili baphoswa basaphila ngelitsheni lomlilo ovutha isibabuli.

ISAMBULO 2:11

“Onendlebe akezwe lokho uMoya akutjhoko emabandleni. “Ohlulako akasoze oniwa kukufa kwesibili.”

ISAMBULO 2:17

“Onendlebe akezwe lokho uMoya akutjhoko emabandleni. “Ohlulako ngizomupha imana ethukusiweko; ngimnikele ilitje elimhlophe ekutlolwe kilo ibizo elitjha elingaziwa mumuntu ngaphandle kwaloyo olamukelako.”

ISAMBULO 2:29

“Onendlebe akezwe lokho uMoya akutjhoko emabandleni.”

ISAMBULO 2:7

“Onendlebe akezwe lokho uMoya akutjhoko emabandleni. “Loyo owahlulako ngiyomnikela ilungelo lokobanyana adle emthini wokuphila osepharadesi lakaZimu.”

ISAMBULO 20:10

USathana ogade abakhohlisile waphoswa ngelitsheni lomlilo nesibabuli, lapho isibandana kanye nomphorofidi wamanga bakhona, bayokutshwenywa isiphelani ubusuku nemini.

ISAMBULO 20:8

aphumele ukukhohlisa izizwe emagumbini amane wephasi, ezinguGogi noMagogi, azihlanganise kobana zizokulwa ipi; ubunengi bazo bunjengetjhwabatjhwaba yelwandle.

ISAMBULO 3:13

“Onendlebe akezwe lokho uMoya akutjhoko emabandleni.”

ISAMBULO 3:22

“Onendlebe akezwe lokho uMoya akutjhoko emabandleni!”

ISAMBULO 3:6

“Onendlebe akezwe lokho uMoya akutjhoko emabandleni.”

ISAMBULO 9:20

Inengi labantu elingazange libulawe ngeenhluphekwezi, akhange liphenduke emisebenzini yalo eliyenzako namkha lilise ukulotjha amadimoni neenthombembunjwa zegolide, zesiliva, zekoporo, zelitje nekhuni ezingakwazi ukubona, ukuzwa namkha ukukhamba.