Filipi 4:9 - Ginitago Variguna

⁹ Ḡegu ḡobata na ḡoribarito guruḡari ema ḡegu veiḡa na ḡodoḡaririto veiḡari mabarari ḡemi maḡuri ai boḡono ḡauvei-iaḡiri e boḡono korana-iaḡiri. Benamo maino evinirani Barauna ḡomi ḡemi ai bene tanu.

Filipi 4:9 Iomraidhean Croise

Mataio 1:23

“Ḡoḡitaia, ḡuiato ta bekuḡani, mero ta beḡabiani, mo mero keina arana beḡe vatoani Emanuela.” Emanuela anina tu ‘Barau tu ḡita sevisevirai.’

Mataio 28:20

Boḡono vaḡa-ribari maki, avinimito vevaḡa-naḡiri mabarari beḡene korana-iaḡiri. Boḡono riba, au tu ḡaro mabarari ai ḡomi ḡesi bita tanuni, beiaḡoni mo, tanobara magona!”

Mataio 7:21

Dia ‘Vereḡauka, Vereḡauka,’ ḡetoguni tarimari mabarari tu Guba Basileiai beḡe raka-toḡani. Asiḡina. Deikara Tamagu gubai etanuni ekorana-iaḡiani e ḡena ura veiḡari eveirini tarimana ḡereḡana moḡo.

Luka 6:46

“Karase nai au ḡokiraḡiguni, ḡokirani, ‘Vereḡauka, Vereḡauka,’ nuḡanai au aguruḡani veiḡari tu asi ḡoveirini?

Luka 8:21

Benamo Iesu na mabarari ekirarito, “Barau ḡena guruḡa ḡeseḡaḡirini e ḡeveirini tarimari tu au sinagu ema au tarigu.”

Ioane 13:17

Toma maiḡeri dagara mabarari ḡomi na boḡo ribari, bema boḡo veirini nai tu boḡo iakuni.

Ioane 15:14

Bema au na kara akiramini veiḡari boḡo veirini nai, ḡomi tu au ḡatagu.

Ioane 2:5

Benamo sinana na vetuḡunaḡi tarimari evaḡa-guruḡarito, ekirato, “Kara bekira-varamini veiḡana boḡono veia.”

Apostolo 9:6

Senaḡi novariḡisi, vanuḡa baregonai noa raka-toḡa, monai vau tarima ta na bekiramuni kara ma bono vei.”

Roma 15:33

Maino Barauna ḡomi mabarami sevimi ai bene tanu. Amen.

Roma 16:20

Maino Barauna na nega kotuna moḡo benamo Satani ḡomi kwakumi fanafana na gaburenai befana-fatafataiani. Ḡita ḡera Vereḡauka Iesu ḡena namo ema varevare-bara ḡomi iatami ai bene tanu.

1 Korinto 10:31

Moḡesi naima, ḡoḡaniḡanini o ḡoniuniuni o kara ḡoveiani nai, dagara mabarari ai Barau boḡono vaḡa-raḡea.

1 Korinto 14:33

Barau tu dia vei-veḡonu veḡonu evaḡa-ḡoraiani Barauna, senaḡi ḡia na tu maino evaḡa-ḡoraiani Barauna. Ekalesia doḡorori mabarari ḡeveini kavana,

1 Korinto 4:16

Moḡesi naima au na ḡomi alaunaḡimini, au boḡono tovotovogu.

2 Korinto 13:11

Tarikakagu, ḡegu guruḡa magona tu maiḡa, boḡono gena. Tuḡamaḡi barana ḡoirami ai boḡono torea tu, boḡono namo-vedaurea, ḡegu guruḡa mabarari boḡono korana-iaḡiri. Nuḡami beḡene gwaḡiḡi, mabarabarami tuḡamaḡi sebona moḡo boḡono ḡabia, maino ai boḡono tanu, ema veuravini e maino Barauna ḡomi sevisevimi ai bene tanu.

Filipi 3:17

Tarikakagu mabarami, au boḡono tovotovogu. Veiḡa namo ḡeveini tarimari boḡono marereri e boḡono tovotovori maki, vevaḡa-ḡita namori avaḡa-ḡitamini kavana.

Filipi 4:7

Benamo Barau na ḡena maino, ḡita mabarara ḡera riba e tuḡamaḡi-faka evanaḡiato mainona, bevinimini, ma mo maino na ḡomi lorumi ema ḡemi tuḡamaḡi mabarari benari-ginikaurini, Keriso Iesu ḡena maḡuri nuḡanai ḡotanuni dainai.

1 Tesalonika 1:6

Benamo ḡomi na maki ḡai ḡotovotovomato ema Vereḡauka ḡotovotovoato enabe ḡevaḡa-midigu midigumito, senaḡi Barau ḡena guruḡa ḡoḡabi-raḡeato ma vereremi ḡesi. Mo verere Iauka Veaḡa na evinimito.

1 Tesalonika 2:14

Tarikakama mabarami, ḡomi tu Barau ḡena ekalesia Keriso Iesu nuḡanai Iudea ḡesi boḡo ilaila, korana Iuda tarimari na ḡia ḡevaḡa-midigu midigurito ilailanai, ḡomi maki ḡemi doḡoro tarimari na ḡevaḡa-midigu midigumini.

1 Tesalonika 5:23

Maino Barauna na bene vaḡa-veaḡa ginikaumi. Iaukami, e ḡemi maḡuri, ema tauḡanimi mabarari ḡia na bene nariri, kerere ta na maki asi bene ḡabimi, bene iaḡo mo, ḡera Vereḡauka Iesu Keriso ḡena iaḡoma ḡaronai.

2 Tesalonika 3:4

Ḡai ḡema veḡabidadama ḡomi ḡemi ai tu Barau na evinimato, e ḡaribani, ḡakiramito veiḡari ḡoveirini ema roḡo boḡo vei-vesiriḡurini.

2 Timoteo 4:22

Vereḡauka tu ḡoi iaukamu ḡesi bene tanu. Barau ḡena namo e varevare-bara ḡomi ḡemi ai bene tanu.

Iakobo 1:22

Ḡena guruḡa tu asi boḡono seḡaḡiri moḡo, senaḡi ḡoseḡaḡirini guruḡari tu ḡemi veiḡai boḡono vaḡa-foforia, tauḡemi boḡo veḡofani garina.

2 Petero 1:10

Moḡa lorinai, tarikakagu, boḡono kokore, Barau na ekeamito e eviriḡimito maniḡa boḡono vaḡa-moḡonia. Moḡesi boḡo veini nai tu, asi boḡo ketoni.

1 Ioane 3:22

Ema bita noḡiani dagarari mabarari Barau na bevinirani, korana ḡena taravatu guruḡari takorana-iaḡirini ema Barau vaḡa-iakuna veiḡari taveirini nai.