Filipi 4:15 - Ginitago Variguna

¹⁵ Ḡomi Filipi tarimami tu ribami: Makedonia aiaḡuiato, tovotovonai Vari Namona aḡobata-iaḡiato-ḡoi nai, ekalesia doḡorona ta na asi evaḡa-kavaguto-ḡoi ḡeri moni e farefare na, ḡomi moḡo ḡereḡami.

Filipi 4:15 Iomraidhean Croise

Apostolo 16:40

Paulo e Silas na dibura numana ḡeraga-kwaneato, Lidia ḡena numa ḡana ḡeiaḡoto. Monai tarikaka ḡesi ḡevedoḡarito, benamo vevaḡa-gwaḡiḡi guruḡari na ḡevaḡa-kokorerito, benamo ḡerakato.

Roma 15:26

Korana Makedonia ema Akaia tanori ai tu nuḡari ma verereri ḡesi Ierusalemai asi ḡeri-ḡari tarimari Barau ḡena tarimarima veaḡari vekaravari ai ḡetanuni moḡeri ḡeri moni ḡevaḡa-vegogoto.

Filipi 1:12

Tarikakagu, ḡegu ura boḡono riba, au beḡe diburagu o kara beḡe ḡora ḡegu ai dagarari na Vari Namona ḡena tubu tu asi beḡe vaḡa-rakavaia. Asiḡina. Moḡeri na tu Vari Namona ḡena tubu beḡe vaḡa-baregoa.

Filipi 1:16

Maiḡeri tu veuravini ḡenana ḡeḡobatani, korana ribari, au diburai atanuni tu, Vari Namona gogobana bana raga ḡana Kota tarimari ḡoirari ai.

Filipi 1:5

korana ḡemi vevaḡa-kava dabarari namori na ḡovaḡa-kavaguto Vari Namona varifiunai, Vari Namona ḡoḡabi-raḡeato ḡarona na beiaḡoma mo initoma.

Filipi 1:7

Ḡomi mabarami ḡegu vemamiraḡi na evaḡa-moḡoniani, ḡomi tu au nuḡagu ai roḡo ḡotanuni. Aba, dibura numai atanuni nuḡanai, o Kota ḡeseḡaḡini tarimari ḡoirari ai Vari Namona akiraḡi-foforiani e gogobana aragani nuḡanai maki, ḡomi tu au nuḡagu ai veḡata. Korana ḡomi mabarami maki Barau na ḡena varevare-bara evinimito, au eviniguto kavana.

Filipi 2:12

Au ḡatagu mabarami, vanaḡivanaḡi au ḡoseḡaḡi-viniguto-ḡoi ḡera ḡauvei vegogo ai kavana murigu ai maki boḡono seḡaḡi-vinigu veḡata. Boḡono ḡauvei ma garimi ema ma ḡoḡo-ḡoḡomi ḡesi, maḡuri boḡono doḡaria uranai.