Yakub 4:10 - Kitab Injil and Kitab Awal-Jaman

¹⁰ Pareyo'unbi ataybi tudju ni Panghū' ati pinalanga du kam e'na.

Yakub 4:10 Iomraidhean Croise

Kalangan 27:6

Minnē' aku anganda'ug min palbantahanku, pinalanga aku min saga banta ma katilibutku. Tukbalanku pagkulban ni PANGHŪꞋ-Yawe ma langgal ya pangarapan iya, hinabuku angolang kabowa kakōganku. Angalang isab aku, pagpudjiku PANGHŪꞋ.

Paglappas 10:3

Sakali pehē' disi Musa maka si Harun ni Pira'un. Yuk sigā duwangan ma iya, “Aniya' itu pamalman ma ka'a e' si Yawe ya pagtuhanan bangsa kami Hibrani. Yukna, ‘Sumiyan lagi' ka pahali magtanggu-tanggu bo' yampa magmalilla' ma aku? Tugutin saga a'aku ala'an min Misil itu supaya sigām makapagsumba ma aku.

Matiyu 23:12

Sai-sai magpalanga ma baranna, pinareyo' du iya, maka sai-sai amareyo' di-na pinalanga du isab.”

Lukas 1:52

Nila'anan e'na saga sultan min pagsultanan sigām, pinabangsa e'na saga a'a areyo'-deyo'.

Lukas 14:11

Sabab hatina sasuku maglanga-langa di-na pinareyo' du. Maka sasuku magpatireyo' di-na pinalanga du.”

Lukas 18:14

“Haka'anta kam,” yuk si Isa, “amole' pa'in a'a duwangan min langgal, a'a magā' sukay ya abontol ma bistahan Tuhan, ngga'i ka a'a Parisi. Sababna sai-sai magpalanga ma baranna pinareyo' du, maka sai-sai magpareyo' di-na pinalanga du isab.”

1 Petros 5:6

Angkan kam subay magpatireyo' ni Tuhan Sangat Kawasa, bo' kam pinalanga e'na bang ta'abut llaw bay pangangganta'na.

1 Samwel 2:7

Makaparaya iya ba'anan a'a miskin ati makapamiskin ba'anan a'a dayahan, makapamareyo' iya maka makapamalanga.

1 Samwel 2:9

Jagahanna sasuku sigām am'nnal ma iya, sagō' in a'a jahulaka' amatay ma deyom kalendoman. Halam aniya' makapanganda'ug bang hal min kosogna.