Matiyu 7:24 - Kitab Injil and Kitab Awal-Jaman

²⁴ “Na, sasuku a'a akale ma bissalaku itu sampay ameya', in iya sali' a'a ahāp akkalna, ya bay makahinang luma'na ma papagan abatu.

Matiyu 7:24 Iomraidhean Croise

Kalangan 119:130

Palmannu ya pangā'an sawa pamaranta' pikilan manusiya', minsan a'a akulang pangadji'na makahati du isab.

Matiyu 12:50

Sabab sai-sai angahinang kabaya'an Mma'ku ma sulga', ya na ko' ina'an saga danakanku l'lla-d'nda, maka ina'ku.”

Matiyu 16:18

Na, ya na itu pangahakaku ma ka'a: ka'a si Petros, hatina batu. Ati ma diyata' batu lakit ilu pangahinanganku langgalku, hatina saga jama'aku kamemon. Mbal sigām tara'ug minsan amatay.

Matiyu 24:45

“Bang aniya' sosoho'an ahāp akkalna, a'a kapangandolan, ya na ina'an pinene' e' nakura'na magmandul ma saga sosoho'an kasehe'an. Iya na isab magatas-pikil ma balanja' sigām.

Matiyu 25:2

Lima budjang inān sali' arupang, bo' lima inān ataha' asal akkal sigām.

Matiyu 25:4

Ya lima budjang taga-akkal bay amowa pangisihan ap'nno' e' ns'llan, saddī isab ya ma deyom palita'an.

Matiyu 25:9

‘Ē, mbal,’ yuk budjang taga-akkal e'. ‘Mbal maka'abut ns'llan itu ma kitam kamemon. Pehē' kam ni tinda am'llihan di-bi.’

Matiyu 7:25

Manjari aniya' ulan alandos bay patumbuk, maka angandunuk kasapa'an, maka taluwa' hunus luma' inān. Sagō' halam ah'bba' sabab ahogot papaganna.

Matiyu 7:26

Sasuku isab akale ma bissalaku bo' mbal ameya', sali' kahantang a'a kulang akkalna, ya makahinang luma'na ma kal'bbohan.

Lukas 11:28

Sagō' anambung si Isa, yukna, “Aheya gi' kakōgan sasuku akale ma palman Tuhan sampay ameya' ma panoho'anna.”

Yahiya 13:17

Pagka tahatibi na pamandu'ku itu, tantu aheya kahāpan ma ka'am bang beya'bi du.”

Yahiya 14:15

Yuk si Isa lagi', “Bang aku kalasahanbi du, tantu beya'bi saga panoho'anku.

Yahiya 15:10

Bang beya'bi saga panoho'anku, mbal du kam abutas min lasaku. Buwat aku, beya'ku asal saga panoho'an Mma'ku ma aku ati mbal aku abutas min lasana.

Yahiya 15:14

Ka'am ilu, bagayku du kam bang hinangbi saga panoho'anku ma ka'am.

Rōm 2:13

Sabab ngga'i ka min kakaleta ma sara' si Musa ya angkan kita abontol ma pang'nda' Tuhan, saguwā' min kapameya'ta ma panoho'anna.

1 Yahiya 2:3

Bang beya'ta panoho'an Tuhan, minnē' kita makatantu in kita ata'uwan iya.