Matiyu 5:5 - Kitab Injil and Kitab Awal-Jaman

⁵ Aheya kahāpan sasuku areyo' pangatayanna, sabab makataima' iya pusaka' min Tuhan.

Matiyu 5:5 Iomraidhean Croise

Kalangan 22:26

Amangan saga miskin ma sinosōng sampay sigām asso. Sasuku kam angangut ma si Yawe ananglit du ma iya. Mura-murahan, bang pa'in kam allum saumul-umul.

Kalangan 37:11

Sagō' saga a'a areyo' pangatayanna pinasuku'an lahat itu, ati halam aniya' makasasaw kasannangan sigām.

Kalangan 37:22

sabab sai-sai kabuwanan pahala' he' PANGHŪꞋ pinusaka'an lahat itu. Saguwā' sai-sai sinapdahan e' PANGHŪꞋ, tantu magmula.

Kalangan 37:29

Pamusaka' ma a'a ahāp ya lahat sigām porol, ati maglahat sigām maina'an salama-lama tahun.

Kalangan 37:34

Pangaholatinbi PANGHŪꞋ, bogboginbi panoho'anna ati pinalanga kam bo' pinusaka'an lahatbi porol. Song isab ta'nda'bi saga a'a jahulaka' pinahalam.

Kalangan 37:9

Sabab pinahalam saga a'a ala'at kajarihanna, saguwā' sasuku angasa ma PANGHŪꞋ pinusaka'an lahat itu.

Matiyu 11:29

Taima'unbi pandu' ya pamatanggungku ma ka'am, ati anganad kam min aku sabab ahantap asal aku, maka areyo' pangatayanku. Minnitu kam makabāk kahayangan ma nyawabi.

Matiyu 21:5

“Haka'inbi saga a'a Awrusalam, Ilu na sultanbi at'kka ni ka'am. Areyo' pangatayanna, angura' iya ma anak kura'.”

Rōm 4:13

Na aniya' bay janji' Tuhan ma si Ibrahim ma masa awal e', in iya maka saga panubu'na subay pinusaka'an kaluha'an dunya itu. Ya po'on si Ibrahim nijanji'an buwattē', ngga'i ka min pamogbogna ma sara' sagō' min pangandolna ma Tuhan, angkan iya binista abontol.

Galatiya 5:23

areyo' pagatayna, ata'u isab angahawid napsuna. Halam aniya' sara' makapagin'mbal ma hinang buwattē'.

Epesos 4:2

Subay areyo' pangatayanbi, subay ahanunut bissalabi maka subay kam angimanan pagkahibi. Magka'inagon kam dangan-parangan, tanda' lasabi.

Kolossa 3:12

Bay kam tapene' e' Tuhan nihinang a'ana. A'a sussi kam kinalasahan e'na angkan kam wajib ma'ase' ma pagkahibi samantala' ahāp addatbi ni kasehe'an, areyo' isab maka alunuk pangatayanbi. Tatasinbi pagkahibi minsan kam ni'inay.

1 Timuti 6:11

Saguwā' ka'a, Timuti, a'a tapene' e' Tuhan, patala ka min kala'atan inān kamemon. Tukirin kaul-pi'il abontol maka pangisbat ni Tuhan, maka pangandol ma Al-Masi, maka lasa ma pagkahinu. Pahantapun bowahannu minsan ma sai, maka imanin ai-ai tum'kka ni ka'a.

2 Timuti 2:25

Bang aniya' ganta' makasagga' pandu'nu, subay ahanunus panambungnu. Kalu sigām binuwanan pikilan e' Tuhan bo' makabāk pagsusunan, ati tabowa sigām pata'u ma pandu' kasab'nnalan.

Titus 3:2

Soho'un sigām da'a angalimut ma sai-sai, sagō' subay sigām pasulut maka pabagay sadja ma a'a kasehe'an. Subay ahanunut pah'lling sigām ni a'a kamemon.

Yakub 1:21

Angkan subay la'ananbi kamemon ya makalumu' ataybi, maka subay bbahanbi saga hinang ala'at ya mamarahi hekana ilu. Pareyo'unbi ataybi tudju ni Tuhan, maka taima'unbi lapal palmanna, ya sali' dalil binhi' tinanom e'na ma deyom pangatayanbi. Sabab palman Tuhan ya sababanna angkan kam lappasan min hukuman dusa.

Yakub 3:13

Bang aniya' mailu ma ka'am a'a alalom pangita'una maka ahāp panghatina, subay manyatakan ma kahāp tebong a'a ilu in iya taga-pangita'u. Subay areyo' pangatayanna maka subay alalom pikilanna bo' maghinang ahāp.

1 Petros 3:15

Sagō' paheya'unbi Al-Masi ma deyom pangatayanbi, in iya tantu Panghū'bi. Subay kam asakap sakahaba' waktu supaya kam makasambungan sai-sai atilaw ka'am bang angay kam makatantu pinaniya'an kahāpan.

1 Petros 3:4

Ya wajib tuyu'anbi bo' kam ahāp d'nda, subay addat ahāp. Bang kam ahongpot, bang areyo' pangatayanbi, anatas du kamanisbi sampay ni kato'abi. Maka landu' ahalga' kamanisbi buwattē' ma pang'nda' Tuhan.