Matiyu 27:12 - Kitab Injil and Kitab Awal-Jaman

¹² Sagō' halam bay sambunganna saga tuntut bay panuntut iya e' kaimaman alanga maka pagmatto'ahan.

Matiyu 27:12 Iomraidhean Croise

Matiyu 26:63

Sagō' halam anambung si Isa. Amissala pabīng Imam Muwallam, yukna, “Pasapata ka ma ōn Tuhan ya kakkal salama-lama. Haka'in kami to'ongan bang ka'a Al-Masi, Anak Tuhan.”

Matiyu 27:13

Ah'lling si Pilatu ni iya, yukna, “Halam bahā' takalenu panuntut saga a'a itu ma ka'a?”

Matiyu 27:14

Sagō' halam anambung si Isa minsan dakabtang, angkan ainu-inu to'ongan gubnul e'.

Lukas 23:9

Aheka panilaw si Herod ma si Isa, sagō' mbal iya anambung.

Kahinangan 8:32

Na, ya na itu saga ayat Kitab bay tabassana he', yuk-i, “A'a itu sali' hantang bili-bili magpabeya' sadja bang binowa sinumbali'. Halam iya bay ah'lling minsan dakabtang. Sali' anak bili-bili mbal pabanga' bang ginuntingan.

1 Petros 2:23

Ma waktu bay kapamūng-mūng ala'at ma iya, halam iya bay anambung ala'at. Waktu kapaminasa ma iya, halam iya bay ananggupan sai-sai. Gom pa'in pangandolna baranna ni Tuhan ya abontol hukumanna.