Matiyu 11:10 - Kitab Injil and Kitab Awal-Jaman

¹⁰ Sabab si Yahiya itu bay pinagbissala ma Kitab Kanabi-nabihan, ya yuk-i, ‘Soho'ku a'a kawakilanku parahū min ka'a, yuk Tuhan, bo' supaya sakapna lān palabayannu.’

Matiyu 11:10 Iomraidhean Croise

Matiyu 11:11

“Haka'anta kam to'ongan,” yuk si Isa, “pasal si Yahiya Magpapandi itu: halam aniya' abangsa labi gi' min iya. Sagō' sai-sai ma deyoman pagparintahan Tuhan, minsan a'a areyo' kapaga'ana, alanga lagi' iya min si Yahiya.

Matiyu 11:3

atilaw iya, yuk-i, “Ka'a bahā' ya bay pinagbissala e' si Yahiya pi'itu ni dunya? Atawa aniya' gi' saddī nilagaran?”

Matiyu 3:3

Si Yahiya itu bay pinagbissala asal e' nabi Isaya, yuk-i, “Aniya' a'a angalingan ma lahat paslangan, yukna, ‘Lanu'inbi lān ya palabayan Panghū'. Pabontolunbi pal'ngngananna.’ ”

Markus 1:2

Tasulat asal e' nabi Isaya ma deyom Kitab, yuk-i, “Itiya' sosoho'anku,” yuk Tuhan. “Soho'ku iya parahū min ka'a bo' supaya sakapna lān palabayannu.”

Lukas 1:76

Amissala lagi' si Jakariya ma anakna, yukna, “Ka'a, Oto', niōnan du ka nabi min Tuhan Mahatinggi. Ka'a ya parahū min Panghū'nu amahāp lān palabayanna.

Yahiya 1:23

Manjari sali' du sambung si Yahiya maka bay tasulat e' nabi Isaya, yuk-i, “Aku itu a'a angalingan pakosog ma lahat paslangan. Ya pangalinganku, ‘Hawaninbi lān palabayan Panghū'’.”