Maghuhukum 21:2 - Kitab Injil and Kitab Awal-Jaman

² Puwas he' pehē' sigām ni Betel ati mahē' sigām aningkō' parahing anangis ni Tuhan sampay ni kasangoman.

Maghuhukum 21:2 Iomraidhean Croise

Panagna'an 27:38

Sakali angamu' na pa'in si Esaw, yukna, “Mma', min t'dda sadja ka bahā' angamu'-ngamu' kahāpan ni Tuhan? Mbal bahā' kaisaban? Ndū' Mma', amu'-amu'in aku kahāpan isab.” Jari aheya tangisna.

Maghuhukum 2:4

Aubus pa'in pangallam mala'ikat PANGHŪꞋ inān, magtūy maglemong anangis kamemon saga a'a Isra'il.

Maghuhukum 20:18

In saga bangsa Isra'il wa'i patukad ni Betel bo' supaya angaru ni Tuhan. Yuk sigām, “Sai sa ma kami ya parahū anakay ni panubu' Benjamin?” Ya sambung Tuhan, “Panubu' Juda ya parahū.”

Maghuhukum 20:23

Manjari ya saga bangsa Isra'il patukad ni Betel ati anangis ni Tuhan sampay ni kasangoman maka atilaw sigām ni Tuhan. Yuk sigām, “Pabalik lagi' bahā' kami ni pagbono'an anakay saga panubu' Benjamin ya pagkahi kami?” Ya sambung Tuhan, “Pehē' kam pabalik anakay sigām.”

Maghuhukum 20:26

Sakali kamemon a'a panubu' bangsa Isra'il, wa'i patukad pabalik ni Betel ati mahē' sigām aningkō' anangis ni Tuhan. Ma llaw he' bay sigām amuwasa sampay ni kasangoman maka bay anukbal pagkulban maka angungsud tutukbalan pagheya sigām ni Tuhan.

Maghuhukum 21:12

Puwas he' makapiha sigām mahē' mpat hatus kabudjangan ya halam lagi' bay makapagdakayu' maka l'lla, ati binowa itu e' sigām ni pustu ma Silo ya ma Kana'an.

Maghuhukum 21:3

Ya pangandahing sigām, “O Tuhan, ya Tuhan bangsa Isra'il, angay itu pat'kka ni bangsa kami? Ma buwattina'an, angay gi' subay aniya' dakayu' panubu' amutawan min bangsa Isra'il?”

1 Samwel 11:4

Manjari, pehē' saga magbobowa lapal ni Gibeya ya kauman palahatan si Sa'ul. Kahaka'an pa'in saga a'a maina'an ma pasalan palkala' he', magtūy sigām maglemong kamemon.

1 Samwel 30:4

Angkan maglemong disi Da'ud sampay sigām apaya na e' paglemong sigām.