Nipadar 7:12 - Si Biblia NT

¹² wanra, “Peteg a wanin! Raywen tamoya a Dios tamo. Madunong ya, makapangyayadi' ya tan magsen ya! Kisalamatan tamoya! Marayo ya, mapagalangan ya, tan itandudo' ya anggan-angga. Peteg a wanin anaod!”

Nipadar 7:12 Iomraidhean Croise

Mateo 6:13

Andi' rakami nin iyadap sa mabyat tuloy a panunubok tan ikadayo' nakami konan si sya a Kadukaan.

Roma 11:36

Syay namarsa nin bungat ana. Syan lamang anamaet a mampangalinya nin sarba, tan say sarba ket nigagaran pangibwatan nin rayo na. Itandudo' ya kumon a ngaran nan Dios anggan-angga! Peteg a wanin!

1 Corinto 14:16

Wanin ta bilang wadi' si saya komoyo ket kisalamatan nayay Dios sa irgo tamo' a pangibwaten nan kapusuan na nin mairgo na, pa'no saran maka'bat nin “Peteg a wanin” saray kai et nin naakayan sa saytin bubagay? Kai ra nin mataros a man'ibarita' na!

2 Corinto 4:15

Ket para sa ikaabig moyo a rason nin pangingirangep mi nin sarban sain nin idap ta pigaw nin no umabaw saraynan umabaw a tutawon makasari' sa kamaungan nan Dios nin isalba nasara, ket umabaw saray kisalamat kona tan mas maitandudo' yay ngaran na.

Colosas 2:7

Bara'mon kayon nakayamot anan ararem, wanin anamaet a ituluy-tuloy moyoy magmatalek kona ni Cristo a bilang sin inako' moya, tan peteg a magkabyay kamo et kumon nin maibagay sa niyakay nin gaw'en moyo, tan mas pa'geten moyo et a pangingilalo sa niyakay komoyo. Matkap a kisalamatan moyan pirmi a Dios bana' sa kaabigan nin iti kona ni Cristo.

Colosas 3:17

Ket, sarban ibarita' tan gaw'en moyo, matkap nin maikana' nin ibarita' tan gaw'en ran saray ikon na ni Jesus, leleg nin kisalamatan moyay Dios a Ama nin ipadalan moyo kona ni Jesus.

Judas 1:25

Syay bukod a Dios tan syay Mangingisalba tamo bana' kona ni Uunuren tamon si Jesu-Cristo; ket sya, raywen tamoya kumon nin sarba bana' ta igagalang ya, sangkata'gayan ya, makapangyayadi' ya, tan ata'gay a uray na. Main anayti nga'min kona ba'yo na et nin pinarsa a sarba. Main ti et nga'min kona sawanin tan magnayon nin main ti kona nin anggan-angga.

Nipadar 1:18

Si'ko yay Si Lawas a Sibibyay. Mataman nin pinati ako, sinmubli' akoynaod nin mabyay anggan-angga. Si'ko a main nin pakayadi' sa patiti tan main nin pakayadi' nin abryan o isada' yay lugar ran nati ana.

Nipadar 19:4

Ket saray rwampulo' tan a'pat a pupangulo tan saray a'pat a sibibyay a pinarsa, linmukbob sara ta pigaw nin raywen raya a Dios nin nakatekre' sa truno. Wanra, “Peteg a wanin! Raywen ya a Dios!”