Nipadar 7:10 - Si Biblia NT

¹⁰ tan man'ita'way ra a wanra, “Itandudo' miya a Dios mi a iti sa truno tan si Karniro! Nisalba rakami!”

Nipadar 7:10 Iomraidhean Croise

Lucas 3:6

Ket ma'kit nin sarban tawo a pangingisalba nan si ibaki' nan Dios.’ ”

Juan 1:29

Sin sumunor nin awro, na'kit naya ni Juan si Jesus nin man'umarak kona ket wana, “Sya e a pa'sar karniro nin nibi nan Dios a maida'ton ta pigaw nin maglat a kasalanan ran tutawo!

Juan 1:36

Na'kit nayan manlumabas si Jesus ket wana, “Sya in e a karniro a nibi nan Dios!”

Juan 4:22

Si'kamo nin taga Samaria sawanin, kurang a tanda' moyo maipa'ka' konan manraywen moyo, bale' si'kami, nipadar na komi a kadiryan nan si manraywen mi. O' ta tanda' tamo a mangibwat konran Judio a pangingisalba nan Dios konran tutawo.

Efeso 2:8

Wanin ta say kamaungan nan Dios a nangibwatan nin nisalba nakamo sin nagmatalek kamo kona ni Cristo. Kai in nangibwat komoyo ta rigalo na in nin Dios.

Nipadar 12:10

Ket, main nin narnge' kon maksaw nin busis itaw sa langit a wana, “Nangyadi' ana! Say pangingisalba nan Dios sa tutawo ket naila'pos nayna. Narate' anay awro nin nipa'kit nayna a pakayadi' na nin mag'uray; mag'adi' yayna. Wanin et a si tinudo' na nin Cristo na ket nipa'kit nayna a kanepegan nan mag'uray. Wanin ta si Satanas a sya mamparsawan nasara sa adapan nan Dios awro tan yabi a tutawo nin bubsat tamo, ket pinalakwan yayna sa langit.

Nipadar 19:1

Sinmunor, main nin narnge' kon pinasyan kasaw nin bara'mon busis ran pinasyan ka'bawan nin tutawon mampangansyon itaw sa langit. Wanra, “Raywen ya a Dios nin Catawan tamo! Syay Mangingisalba tan sangkata'gayan tan makapangyayadi' ya!

Nipadar 21:5

Ket, wanan si nakatekre' sa truno, “Anaod sawanin, paba'yuwen koyna a sarba!” Wana et kongko, “Isurat moyti say nibarita' ko ta tutuo tan mapagmatalkan.”

Nipadar 22:3

Kasayna gapon saytaw say panunusa a nisamba na intaw nin Dios. Si truno nan Dios tan nan Karniro ket itaw sa syudad, ket saray tutawo nan Dios, mampagsirbi sara kona

Nipadar 4:6

Sa adapan na anamaet nin truno ket main nin bara'mon taaw nin sarming a malinon bilang kristal. Sa libed nan truno sa sarban riking na ket itaw sara a a'pat ray mabyay a pinarsa a say lalaman ra ket napno' nin mata sa adapan tan sa gurot.

Nipadar 5:7

Ket, nako yay Karniro sa truno tan kinalap nayay nalulon nin kasuratan sa wanan nin gamet nan si nakatekre' itaw.