Nipadar 6:10 - Si Biblia NT

¹⁰ Wanra nin nita'way, “Uunuren mi, masantos tan mapagmatalkan ka. Pa'no ka'teng mosara et nin anusan a tutawo sa luta' ba'yo mosara nin sintinsyawan ta pigaw nin bal'en mosaray nangmati komi?”

Nipadar 6:10 Iomraidhean Croise

Lucas 2:29

“Uunuren, tinukid moy pangako' mo kongkon aripen mo, kanya' nin kuntinto akoyna tan taman nin kalapen nakoyna sawanin

Lucas 21:22

bana' ta siti ana a panaon nin dusawen nasara nin Dios a Israelita nin sigon sa naisurat sa Masanton Kasuratan a matkap nin matukid nin sarba.

Roma 12:19

Bubsat, andi' kamo nin gumale' konran magkasalanan komoyo. IpaDios moyoynay panunusa konra bana' sa sager na ta wanan Dios a mabasa sa Masanton Kasuratan, “Iti kongko a kanepegan nin gumale'. Si'koy manusa.”

Hebreo 12:24

Iti kamoyna konan si pinangibwat nay nikagwa' nan ba'yon pitarato ran tutawo tan si Dios. Sya si Jesus. Iti kamoyna sa pagkukuri nin daya' na nin makapangikalamo' kontamo konan Dios sin tinmuro', ket mas mabista a kakanaan dyan say daya' na ni Abel nin tinmuro' a maningkap nin paninintinsya.

2 Pedro 2:1

Wanin man, sin nu'nan panaon, main saraytaw a lamang saray nibalu'-balo' a prupita nasara nin Dios a nangipatanda' konran tutawo nan Dios. Wanin anamaet a lamang, main sara li' a masirib nin mangyakay nin bula'-bula' isen sa dupong moyo. Say iyakay ra ket makasida' konran mammemper. Pati si Uunuren a Jesus nin syay nipambot konra, kai raya nin alilbien ket, bigra' sarayna li' nin madusan maong.

Nipadar 11:18

Saray kuntra komo ket pinasyan sager ra komo, bale' narate' ana a panaon nin ipa'kit mo a makapali'mo nin sager mo konra, tan say panaon a sintinsyawan mosara a nunati ana. Sawanin anan lamang a panaon a gun-gunawan mosaray uaripen mo a saray prupita mo tan saray tutawo mo. Sarayti ket mampangigalang sara komo, ata'gay o ayupa' sara man. Sawanin anan lamang a panaon a sidaen mosara a sarba ran nanida' nin tutawo sa sangkamundwan.”

Nipadar 18:20

Si'kamo nin mampiikap sa langit, rumiga kamo bana' sa nangyadi' kona! Si'kamo nin tutawo nan Dios, apostoles tan prupita na, rumiga kamo anamaet bana' ta si Dios, sinintinsyawan nayayna sa ginwa-ginwa' na komoyo.”

Nipadar 18:24

Sain et a dusa konan Babilonia bana' ta itaw nin inmagos a daya' ran prupita tan tutawo nan Dios. Say daya' ran sarba ran pinatidti sa luta' ket madumog konan siin a syudad.”

Nipadar 19:2

Raywen ya ta say paninintinsya na ket matunong tan mapteg. Anaod sinintinsyawan nayaynan dusawen a bantog a pampam nin nangayat konran tutawo sa nikasama' a gawa'-gawa' na. Nibale' nasaran Dios a tutawo na nin pinati nan siti.”

Nipadar 3:10

Ket bana' ta nitpel moyo a dya'dya' nin sigon sa bibilin ko komoyo, iyilag katamo li' sa masakit nin dya'dya' nin rumate' a irangep nin sarban tutawo sa mundo ta pigaw nin masubok sara nga'min.

Nipadar 3:7

Sinmunor wana, “Wanti a isurat mo konan ibabaki' nan Dios konan dupong ran mammemper itaw sa syudad nin Filadelfia: ‘Si'ko yay si Masantos nin peteg tan mapagmatalkan. Naibi kongko a kanepegan nin mag'uray sa pag'adian na ni Adi' David. No abryan koyay purta ta pigaw nin makasrep yay sayay tawo sa pag'adian ko, kasa gapon si'numan a makapangisada', tan no main nin sadaan ko sa rikor, kasa gapon si'numan nin makapangabri. Ket sayti a ibarita' ko komoyodsen: