Nipadar 5:13 - Si Biblia NT

¹³ Ket, narnge' koy panganganta ran sarba ran itaw sa langit, iti sa luta', itaw sa rarem nin luta' a syay lugar ran nunati, tan itaw sa taaw. Sarba nin pinarsa sa intiron sangkamundwan ket wanra nin man'ikanta, “Siti si nakatekre' sa truno tan si Karniro nin pinati, raywen sara, igalang sara, itandudo' sara tan alilbien a pakayadi' ra anggan-angga!”

Nipadar 5:13 Iomraidhean Croise

Mateo 6:13

Andi' rakami nin iyadap sa mabyat tuloy a panunubok tan ikadayo' nakami konan si sya a Kadukaan.

Lucas 2:14

“Itandudo' yay ngaran nan Dios a itaw sa langit! Iti sa luta' ket kituno yay Dios konran tutawo nin makapaririket kona.”

Juan 1:29

Sin sumunor nin awro, na'kit naya ni Juan si Jesus nin man'umarak kona ket wana, “Sya e a pa'sar karniro nin nibi nan Dios a maida'ton ta pigaw nin maglat a kasalanan ran tutawo!

Roma 11:36

Syay namarsa nin bungat ana. Syan lamang anamaet a mampangalinya nin sarba, tan say sarba ket nigagaran pangibwatan nin rayo na. Itandudo' ya kumon a ngaran nan Dios anggan-angga! Peteg a wanin!

Roma 16:27

Si Dios, syan bukod a sangkadunungan sa sarba! Marayo ya anggan-angga bana' sa ginwa' na yupa' kona ni Jesu-Cristo. Peteg a wanin!

Roma 9:5

Saray puon ra et ket tutawo saran magsen a pagmamatalek ra nin nipatandaan nan Dios konra a pangako' na konran tutawo na, tan si syay Cristo, no maipa'ka' sa kinatawo na ket Judio ya nin kadayaan ra. Syay Dios a makapangyayadi' sa sarba. Sya, marayo ya anggan-angga. Peteg a wanin!

Efeso 3:21

Kanya' nin, kona edet ket, ibi tamo a alaki nin unor, si'tamon napasaya nin saka-sakalakon tutawo tan naipasaya konan Cristo a si Jesus sawanin tan sa anggaynan-angga! Peteg a wanin anaod.

Filipos 2:10

Ginwa' na in ta pigaw nin say sarba nga'min, itaw sara man sa langit o iti sara sa luta', o itaw sara sa rarem nin luta' sa kami'nan ra nin nati, ket manalimukod saran sumuko' kona ni Jesus

Colosas 1:23

Wanin a mangyadi' no ituluy-tuloy moyoy pammemper moyo konan Mabistan Patanda'. Matkap a pa'geten moyoy pagmamatalek moyo kona ni Cristo tan ituluy-tuloy moyoy milalo sa sarban nipangako' nan Dios nin natandaan moyo sin nipatanda' yay Mabistan Patanda' komoyo. O', sitin man'ibarita' a Mabistan Patanda', naipatanda' ya sa intiron mundo, ket si'ko a si Pablo, naibin gawa' ko nin pagsisirbi kona ni Cristo a ipatanda' koyaytin Mabistan Patanda'.

1 Timoteo 4:16

Pakailag ka sa kimey mo tan sa pangangakay nin katutu'wan. Dumaer ka sa sarban sayti ta no wanin a gaw'en mo, tutuo a maisalba ka, pati sara anamaet a makarnge' komo.

1 Pedro 4:11

Saraytaw saray pinuyaan nin pakababa' nin mangipatanda', matkap a mag'irgo saran bilang sayay mangingilalaman konan Dios. Saray pinuyaan nin pakababa' nin tumulong, matkap a pakaseseg sara nin tumulong mangibwat sa pamamaaluyon nan gesen nin Dios konra. Wanin a gaw'en moyo ta pigaw nin sa sarban gaw'en moyo bana' sa ginwa' na ni Jesu-Cristo komoyo ket, maitandudo' yay ngaran nan Dios. Sya a pagalangan tan mag'uray anggan-angga. Peteg a wanin.

1 Pedro 5:11

Anggan-angga anaod nin mag'uray yan main nin pakayadi' sa sarba! Peteg a wanin.

Judas 1:25

Syay bukod a Dios tan syay Mangingisalba tamo bana' kona ni Uunuren tamon si Jesu-Cristo; ket sya, raywen tamoya kumon nin sarba bana' ta igagalang ya, sangkata'gayan ya, makapangyayadi' ya, tan ata'gay a uray na. Main anayti nga'min kona ba'yo na et nin pinarsa a sarba. Main ti et nga'min kona sawanin tan magnayon nin main ti kona nin anggan-angga.

Nipadar 1:6

Nibiang natamo sa pag'aadi' na ket ginwa' natamo nin pupadi' nin magsirbi konan Dios a sya a Dios na tan Ama na. Itandudo' ya anaod a ngaran na tan mag'adi' ya anggan-angga! Peteg a wanin.

Nipadar 13:8

Kanya' nin sarba ran tutawo sa mundo, tumwek sara konan makapali'mon ayep, pwira saraytaw tamo' saray tutawon say ngaran ra ket nakasurat itaw sa libron listawan ran saray magkamain nin anggan-angga nin byay a iti konan Dios. Ba'yo ya et nin naparsa a mundo, nakalista anay ngaran ra sa libro nan Karniro nin pinatin nisakripisyo.

Nipadar 5:1

Na'kit ko et a sitaw si nakatekre' itaw sa truno ket main nin ga'get na sa pawanan nin gamet na nin kasuratan a nalulon. Siti ket nasuratan ya sa rubari' tan rubari' tan dinalitan ya sa rigri-rigrig nin pito ray bara'mon natimbriwan nin silyo.

Nipadar 5:12

Mampanganta saran maksaw a wanra, “Si Karniro nin pinati, ket maikana' ya a main kona a pakayadi' tan kayamanan tan kadunungan tan gesen. Raywen tamoya, igalang tamoya, tan itandudo' tamoya.”

Nipadar 5:3

Bale' mataman nin sa langit, o sa luta', o sa rarem nin luta' sa kami'nan ra nin nati, kasa gapo ni sayay maikana' nin abryan nayay kasuratan o basawen na a naisurat.

Nipadar 5:6

Ket, main nin na'kit kon sayay Karniro nin naka'deng sa pibutlayan nan truno tan saray a'pat a sibibyay nin pinarsa; iti ya konran saray rwampulo' tan a'pat a pupangulo. Ma'kit sa bakas nan siti a pinati yayna intaw. Main nin pito ray sara na tan pito ray mata na a syayti a Ispirito nan Dios, nin say pakayadi' na ket main nin piton paka'kitan a nibaki'-baki' nan Dios sa intiron sangkamundwan.

Nipadar 5:9

Ket kinantawan raya nin sayay ba'yon kanta a wanra: “Si'ka a maikana' nin mangalap konan linulon a kasuratan tan manglat nin silyo, bana' ta pinati ka, ket say daya' mo a nipambot mo konra nin tutawo ta pigaw nin ikon nasaraynan Dios nin mangibwat sa sarba nin puri, sarita', daya' tan nasyon.

Nipadar 6:16

Wanra sa tutalugtog tan bubato, “Matbag kamo ta pigaw nin sakban rakami, ket kai nakami nin ma'kit nin si mantumekre' sa truno tan mapal'isan mi a grabin Pammale' nan si Karniro.