Nipadar 4:11 - Si Biblia NT

¹¹ “Si'kay Uunuren tan Dios mi. Maikana' a ipata'gay tan igalang ka tan alilbien a pakayadi' mo. O' a ta si'ka a namarsa nin sarba. Bana' ta siin a rabay mo, naparsa tan main ana a sarba.”

Nipadar 4:11 Iomraidhean Croise

Ginwa-ginwa' 14:15

“Uamigo, andi' rakami nin raywen nin bilang dios! Tawo kami tamo' nin kapada moyo! Nako kamidti komoyo ta pigaw nin ipatanda' miyay Mabistan Patanda' maipa'ka' kona ni Jesus ket tumgen kamoynan mangrayo konran sarain a kasan magwaan nin dios-dios ket si raywen moyoyna si sibibyay a Dios. Sya a namarsa nin langit tan luta', pati say taaw tan say sarba nin main sa sayti.

Ginwa-ginwa' 17:24

Sya a Dios nin namarsa nin mundo tan nin sarba nin iti. Sya a Uunuren nin mampag'uray itaw sa langit tan iti sa luta', ket kai ya nin miikap sa pupa'deng a ginwa' nin tawo.

Roma 11:36

Syay namarsa nin bungat ana. Syan lamang anamaet a mampangalinya nin sarba, tan say sarba ket nigagaran pangibwatan nin rayo na. Itandudo' ya kumon a ngaran nan Dios anggan-angga! Peteg a wanin!

Efeso 3:9

Nibaki' nako anamaet nin mangipapalaway sa no pa'no a say rabay naynan gaw'en nin gindat ket yadien nayna. Sa linmabas anan panaon, si Dios a syay namarsa nin sarba, kai na nin nipatandaan ti sa si'numan a gindat anan rabay nan gaw'en

Hebreo 1:10

Wana et nin Dios, “Si'ka, Uunuren, pinarsa may mundo sin tarana' tan mataman nin say langit ket gawa' nin gamet mo.

Hebreo 1:2

Bale' sa siti nin susuyot nin panaon, si nangipadalanan nan Dios nin kiirgo kontamo ket, anak naya. Yupa' konan sitin anak na, nagwa' nan Dios nin pinarsa a sarba nga'min tan ipaikon na et kona a sarba nga'min.

Nipadar 1:6

Nibiang natamo sa pag'aadi' na ket ginwa' natamo nin pupadi' nin magsirbi konan Dios a sya a Dios na tan Ama na. Itandudo' ya anaod a ngaran na tan mag'adi' ya anggan-angga! Peteg a wanin.

Nipadar 10:6

nin pangisamba sa adapan nan Dios a mabyay anggan-angga nin namarsa nin kalangitan tan luta' tan nin taaw tan say sarba nin iti sa sayti, a say ibarita' na ket tutuo. Wana, “Kai nayna nin ipa'te-pa'teng et nin Dios a plano na,

Nipadar 14:7

Wanan nita'way nin maksaw, “Igalang moya a Dios tan raywen moya sa kata'gayan na bana' ta say panaon nin panunusa na sa tutawo ket narate' ana. Raywen moya ta sya a namarsa nin kalangitan, nin luta', nin taaw, nin subor tan nin ilog.”

Nipadar 19:1

Sinmunor, main nin narnge' kon pinasyan kasaw nin bara'mon busis ran pinasyan ka'bawan nin tutawon mampangansyon itaw sa langit. Wanra, “Raywen ya a Dios nin Catawan tamo! Syay Mangingisalba tan sangkata'gayan tan makapangyayadi' ya!

Nipadar 5:12

Mampanganta saran maksaw a wanra, “Si Karniro nin pinati, ket maikana' ya a main kona a pakayadi' tan kayamanan tan kadunungan tan gesen. Raywen tamoya, igalang tamoya, tan itandudo' tamoya.”

Nipadar 5:2

Kaaram, main nin na'kit kon sayay mapwirsa nin anghil a wanan maksaw, “Si'no a maikana' nin manglat nin saytin silyo tan abryan yay kasuratan?”

Nipadar 5:9

Ket kinantawan raya nin sayay ba'yon kanta a wanra: “Si'ka a maikana' nin mangalap konan linulon a kasuratan tan manglat nin silyo, bana' ta pinati ka, ket say daya' mo a nipambot mo konra nin tutawo ta pigaw nin ikon nasaraynan Dios nin mangibwat sa sarba nin puri, sarita', daya' tan nasyon.