Nipadar 3:20 - Si Biblia NT

²⁰ Oy! Iti ako sa purta moyo nin mangkumutana. No main nin tawon makarnge' kongko ket abryan naya a purta para kongko, sumrep ako tan midungo kami.

Nipadar 3:20 Iomraidhean Croise

Mateo 24:33

Wanin anamaet, no ma'kit moyoyna li' nin mampangyadi' ana in say nibarita' ko komoyo, matandaan moyoynan rumate' akoynan madali'.

Lucas 17:8

Kai! Ana edet, igan-gan nan amo, ‘Misili ka tan manadya' kan pangapunan ko, mi'sa sirbyan nakon mangan tan minom. Ket kayadi' ko nin mangan, mangan kayna.’

Juan 10:3

Pasrepen naya nin gwardya. Ket maalilbi' ran karniro a tunoy na. Tawag-tawagen nasaray karniro na sa ngaran ra tan irikor nasara sa kural.

Santiago 5:9

Bubsat, andi' kamo mipa'leman nin sakit nin nakem ta pigaw nin kai nakamo ukumen nin Mangngukom a si Dios a lamang ta rumate' yayna.

Nipadar 19:9

Ket wanan anghil kongko, “Isurat moyti: Makarma' saray sinagyat nin kibansal sa kasal nan Karniro.” Wana et nin nilamo', “Peteg a susarita' nayti nin Dios.”