Nipadar 19:4 - Si Biblia NT

⁴ Ket saray rwampulo' tan a'pat a pupangulo tan saray a'pat a sibibyay a pinarsa, linmukbob sara ta pigaw nin raywen raya a Dios nin nakatekre' sa truno. Wanra, “Peteg a wanin! Raywen ya a Dios!”

Nipadar 19:4 Iomraidhean Croise

Mateo 28:20

iyakay moyo saran sumunor sa sarban nigan-gan ko komoyo. Ket tandaan moyo a si'ko, kalamo' moyokon pirmi anggan maka'numan.”

Mateo 6:13

Andi' rakami nin iyadap sa mabyat tuloy a panunubok tan ikadayo' nakami konan si sya a Kadukaan.

1 Corinto 14:16

Wanin ta bilang wadi' si saya komoyo ket kisalamatan nayay Dios sa irgo tamo' a pangibwaten nan kapusuan na nin mairgo na, pa'no saran maka'bat nin “Peteg a wanin” saray kai et nin naakayan sa saytin bubagay? Kai ra nin mataros a man'ibarita' na!

Nipadar 15:7

Si saya konran a'pat a sibibyay nin pinarsa, binyan nasara a pitoy anghil nin pito ray balitok nin yawong a napno' nin say alakin sager nan Dios a magnayon nin mabyay anggan-angga.

Nipadar 19:1

Sinmunor, main nin narnge' kon pinasyan kasaw nin bara'mon busis ran pinasyan ka'bawan nin tutawon mampangansyon itaw sa langit. Wanra, “Raywen ya a Dios nin Catawan tamo! Syay Mangingisalba tan sangkata'gayan tan makapangyayadi' ya!

Nipadar 19:3

Wanra anamanaet nin maksaw, “Raywen tamoya a Dios ta say asok nan mangkapuuran nin syudad ket muli' nin kasan tegen anggan-angga.”

Nipadar 19:6

Kaaram, main nin narnge' kon pinasyan kasaw nin bara'mon busis ran pinasyan ka'bawan nin tutawo. Say kasaw ket bilang sa kanurkor nin alalakin daluyon o tunoy nin maksaw a kudor. Wanra nin maksaw, “Raywen tamoya a Uunuren tamo a si Dios nin Makapangyayadi' sa sarba ta sya, mampag'adi' yayna.

Nipadar 5:14

Ket saray a'pat a sibibyay a pinarsa, wanra nin ni'bat, “Peteg a wanin anaod!” Sara anamaet a rwampulo' tan a'pat a pupangulo, linmukbob sara tan nangrayo sara anamanaet kona nin si nakatekre' sa truno tan kona nin Karniro.