Nipadar 19:16 - Si Biblia NT

¹⁶ Sa bata tan sa paa na, ket nakasurat a wantin titulo: “Adi' ran sarban uadi' tan Uunuren ran sarban uunuren.”

Nipadar 19:16 Iomraidhean Croise

Mateo 25:40

Ket si'kon si Adi', i'bat ko li', ‘Ibarita' koyti komoyo, no ginwa' moyo in konan saya konran saraytin mammemper kongko a sara ket bara'mo saran bubsat ko, abirno nin aninay kaayupaan na, ginwa' moyoynan lamang kongko.’

1 Timoteo 6:15

sa manepeg nin panaon. Si Dios a gumwa' a mangyadi' ti. Iti kona a pagkakumplito tan bukud-bukod nay main nin pakauray. Syay Adi' ran sarban uadi' tan syay Uunuren ran sarban uunuren.

Nipadar 1:5

Sapa kumon ta bindisyunan nakamo tan byan nakamo nin mabistan kapapa'sar ni Jesu-Cristo. Syay mapagmatalkan nin mamatutuo sa maipa'ka' konan Dios. Sya a sangkau'nawan nin sinmubli' nin mabyay; tan sya a mag'uray konra nin sarba ran mag'uray iti sa mundo. Sya, kawa'nan natamo, ket binalukasan natamo mangibwat sa pag'uuray nin kasalanan tamo yupa' sa daya' na nin tinmuro' sin pinati ya.

Nipadar 17:14

Labanan raya li' a Karniro bale', si Karniro, daegen nasara li' a uadi' bana' ta sya, Uunuren ya nin sarban uunuren tan syay Adi' nin sarban uadi'. Saray kalalamo' na ket saraytaw saray tutuo kona a sara pinili' tan sinagyat nasara.”

Nipadar 2:17

Si'kamo nin mampangrenge', tarusan moyoytin man'ibarita' nan Ispirito nan Dios komoyo nin mammemper! Saray manalo maipa'ka' sa sain, byan kosara nin naiyadi nin manna. Byan ko anamaet a barang saya konra nin maputi' nin bato a nakaisuratan nin sayay ba'yon ngaran, a kasa gapo nin makatanda' no ani ya in a ngaran no kai si tawo tamo' nin mangrisibin siti.’ ”