Nipadar 17:4 - Si Biblia NT

⁴ Say seket nan babayi ket mablin klasi nin mu'dit tan kulor granati nin abel. Si lalaman na ket napno' yan alahas nin pirlas tan raruma et nin mablin bato tan nin balitok. Main nin ga'get nan balitok nin kupa a napno' nin say makaparmay tan nikasama' a ginwa-ginwa' na.

Nipadar 17:4 Iomraidhean Croise

Nipadar 14:8

Main nin sinmunor nin ikarwan anghil a wana, “Nasida' yayna! Si mapwirsa nin syudad nin Babilonia ket nasida' yayna nin intiro. Pinabok nasara a tutawo sa sarban nasyon nin say bara'mon mabayanin arak na a say nipangayat na konra sa nikasama' a gawa'-gawa' nan kasan dangka'.”

Nipadar 18:12

Kasayna li' nin manaliw nin balitok tan pirak ra, say mablin bubato tan pirlas ra. Kasayna li' a lamang nin manaliw nin mablin uabel ra a bilang sa mantawagen nin diilo, sida, tan say kulor granati tan mu'dit. Wanin et sa mababanglo nin kukayo ra, tan sarban klasi nin alikamen nin gawa' sa pangil nin ilipanti, sa mabli nin kayo, sa gansa', sa pasak tan sa marmol.

Nipadar 18:16

a wanra, ‘Undo' ana a nangyadi' konan mapwirsa nin syudad! Sin saytaw, saray tutawodtaw ket niske-nisket saran mablin seket nin mantawagen nin diilo tan kulor granati tan mu'dit, tan napno' saran alahas nin balitok, mablin bubato tan pirlas.

Nipadar 19:2

Raywen ya ta say paninintinsya na ket matunong tan mapteg. Anaod sinintinsyawan nayaynan dusawen a bantog a pampam nin nangayat konran tutawo sa nikasama' a gawa'-gawa' na. Nibale' nasaran Dios a tutawo na nin pinati nan siti.”

Nipadar 21:21

Saray labinrway purta ket pirlas; barang sayay purta ket sayay masibulot nin pirlas. Say dudalan sa syudad ket puron balitok nin malino a bilang kristal.

Nipadar 9:21

Wanin a lamang a kai ra et nin nagbabawian nin tutawo a duka' a man-gaw'e-gaw'en ra bilang say pangmamati, say pangangamod, say pakiraray-raray ran ambo' nin manepeg, tan say pananakaw ra.