Nipadar 14:5 - Si Biblia NT

⁵ Kai sara gapo nin nibula'-bula'; kasa gapo nin maiparsa nin duka' a ginwa' ra.

Nipadar 14:5 Iomraidhean Croise

Mateo 12:34

Ket si'kamo, kasan maabig a maibarita' moyo ta duka' a pigagawa' moyo. Bara'mo kamon masirib a ulay! Lumiwa' nin lumiwa' sa bebey nan tawo no ani a iti sa kanakman na.

Lucas 23:4

Sin sain, wana ni Pilato konran Pupangulon Pupadi' tan konran abaw a tutawodtaw, “Kasan ma'kit kon nepeg a pakasintinsyawan na.”

Juan 1:47

Sin na'kit naya ni Jesus nin man'umarak kona si Natanael, wana maipa'ka' kona, “Sya e a tutuon puri na ni Israel. Kasa gapo nin sinisirib kona.”

Efeso 5:27

Ginwa' na in ta pigaw nin maiyadap natamo li' a tutawo na konan diri nin bilang sa sayay balasang nin ikasal a pinasyan bista, kasan mansa o geren nin rupa na o animan a dipikto; maringgas ya tan kasa gapo nin pagkurangan na.

Colosas 1:22

Wanin man, si Dios, ginwa' nakamon uamigo na bana' sa patiti na sa kudos nin Anak na a si Cristo. Nisuko' na ni Cristo a lalaman na nin mati sa kudos ta pigaw nin maringgasan kamo sa sarban kukasalanan moyo tan kasa gapo li' nin pagkurangan moyo no iyadap nakamo konan Dios.

Hebreo 9:14

Wanin man nin sain, maringgasan atamon adayo' bale' nin daya' na ni Cristo. Rininggasan nayna a kukanakman tamo sa gawa'-gawa' tamon kai nin makabunga nin byay, ta pigaw nin say gaw'en tamoyna ket si pagsirbyan yay Dios a syay pangibwatan nin byay. Yupa' sa tulong nan Ispirito nan Dios a main ya anggan-angga, si Cristo, nida'ton na konan Dios a kadiryan na nin kasa gapo nin dungis ket maringgasan natamoyna.

1 Pedro 1:19

no kai edet, say mabli nin daya' na ni Cristo. Nibi nay byay na sin pinati yan bilang sayay uybon nin karniro a kasa gapo nin sama' o dipikto a nida'ton konan Dios.

1 Pedro 2:22

Sya, kai ya gapo nin nagkasalanan tan kasa gapo nin inirgo na nin bula'.

1 Pedro 3:10

Tanda' moyo in ta main nin mabasa sa Masanton Kasuratan a wana, “No rabay nan sayay tawo a mabistay byay na ket maririket ya, matkap a andi' ya nin mag'irgon makaduka' sa raruma, o nin bula'-bula'.

Judas 1:24

Ket sawanin anaod, raywen tamoyay Dios ta syay makapangiyawa' kontamo lawas nin kai nin mairanod sa sain a bagay, tan maiyadap natamo li' nin pinasyan ririket a kasa gapo nin pakabalawan tamo sa alakin kagalangan tan pakayadi' na no mangukom ya.