Nipadar 14:3 - Si Biblia NT

³ Saray 144,000 nin tutawo ket mampangansyon saran ba'yo nin kanta sa adapan nan truno tan sa adapan ran a'pat a sibibyay a pinarsa tan sa adapan ran pupangulo. Siti nin kanta ket kasan raruman makaadal no kai sarayti tamo' saray 144,000 a simbot na sa sangkamundwan nin si Karniro.

Nipadar 14:3 Iomraidhean Croise

1 Corinto 1:18

Anaod, siin si minsahi nin maipa'ka' sa kuri nin nipati na ni Cristo sa kudos, wanran saray mangkaika' sa pakadusa li' ket kakalawakawan ya tamo', bale' kontamon man'ikadayo' nan Dios sa pakadusa ket mangkaikspiryinsya tamoy pagkukuri nin pakayadi' nan Dios sa sain.

1 Corinto 2:14

Bale' si tawon say nikatawo na tamo' a mampag'uray kona, kai na nin akuen a bubagay nin mangibwat konan Ispirito nan Dios ta kakalawakawan tamo' nga'min para kona. Kai maabot nin pakataros na ta matarusan ti tamo' mangibwat sa pangingipatyo' nan Ispirito nan Dios.

Nipadar 14:1

Ket, sin kinmikit ako anamanaet, anaod, na'kit koya a Karniro nin naka'deng itaw sa talugtog a mantawagen nin Sion, kalamo' nasara a 144,000 nin tutawo. Sa waleng ran sarayti ket naisurat yay ngaran na tan si ngaran nan Ama na.

Nipadar 15:3

Ket mangkansyunen rayay kansyon nan si aripen nan Dios a si Moises tan kansyon nan lamang nin si Karniro. Wanra, “O Uunuren a Dios a Makapangyayadi' sa sarba, say gawa' mo ket raraywen tan makapaka'ngap. Si'ka a Adi' nin sarban nasyon ket say sarban gawa' mo, matunong tan mapteg.

Nipadar 2:17

Si'kamo nin mampangrenge', tarusan moyoytin man'ibarita' nan Ispirito nan Dios komoyo nin mammemper! Saray manalo maipa'ka' sa sain, byan kosara nin naiyadi nin manna. Byan ko anamaet a barang saya konra nin maputi' nin bato a nakaisuratan nin sayay ba'yon ngaran, a kasa gapo nin makatanda' no ani ya in a ngaran no kai si tawo tamo' nin mangrisibin siti.’ ”

Nipadar 5:9

Ket kinantawan raya nin sayay ba'yon kanta a wanra: “Si'ka a maikana' nin mangalap konan linulon a kasuratan tan manglat nin silyo, bana' ta pinati ka, ket say daya' mo a nipambot mo konra nin tutawo ta pigaw nin ikon nasaraynan Dios nin mangibwat sa sarba nin puri, sarita', daya' tan nasyon.

Nipadar 7:4

Sin nayadi' saraynan nagmarka, nibarita' ra kongko no umno ra a minarkawan; 144,000 sara nin nangibwat sa labinrway tribo ran Israelita.