Nipadar 14:11 - Si Biblia NT

¹¹ Mampuli' li' tanan pirmi a asok nin apoy nin man'ipamadya'dya' konra nin kasan angga. Kai li' gapo nin pay'anen a pangingirangep ra sa yabi tan awro bana' ta rinayo raya a makapali'mon ayep tan si imahin na, tan nipamarka sara nin ngaran nan makapali'mon ayep.”

Nipadar 14:11 Iomraidhean Croise

Mateo 11:28

Umarak kamo kongko, si'kamo nga'min nin gawa' ana nin gawa' tan mangkabyatan, ta si'koy painawnan moyo.

Mateo 25:41

Wangko li' anamaet konran iti sa pawiri ko, ‘Lumakwan kamodti, si'kamon nisamba na nin Dios. Mako kamodtaw sa burung-burong nin apoy a kai gapo nin ma'rep a nisadya' para konan Dimunyo tan saray uanghil na

Mateo 25:46

Sarain nin tutawo, maika' sara sa pakadusawan nin kasan anggawan. Sara bale' a matunong nin tutawo, mabyan sara nin anggan-angga nin byay a iti konan Dios.”

Hebreo 1:8

Bale' maipa'ka' konan Anak na, wanan Dios, “O Dios, mag'adi' kan kasan anggawan tan say pag'uuray mo ket matu'rir.

Nipadar 11:15

Kaaram, pinatnoy nayan ikapiton anghil a trumpita na ket main nin narnge' nin maksaw nin busis itaw sa langit a wanra, “Mangibwat sawanin, kasaynan raruman mag'uray sa mundo no kai si Uunuren tamo tan si tinudo' nan Cristo. Mag'adi' ya anggan-angga.”

Nipadar 13:12

Main nga'min kona a pakayadi' nan si u'nan makapali'mon ayep tan man'usaren nayti nin ipagsirbi kona. Pinilit nasara a sarban tutawo sa luta' nin tumwek sara konan sitaw si u'nan makapali'mon ayep nin si sugat na ket nipati naya kumon bale' inmanda' ya.

Nipadar 13:15

Inaburuyan ya et a ikarwan makapali'mon ayep nin byan nayan inanawa a imahin. Kanya' nin sa wanti ket makapag'irgo ya a imahin tan mansintinsyawan nasaran mati a sarba ran andi' nin tumwek kona.

Nipadar 13:17

Ket si si'numan a kai mamarkawan nin ngaran nan u'nan makapali'mon ayep o say numiro nin ngaran na, kai ya makapaglako' o makapanaliw.

Nipadar 14:9

Kaaram, main nin ikatlon anghil nin sinmunor konran rwa, ket wanan nita'way nin maksaw, “Saray si'numan a mampangrayo konan makapali'mon ayep tan konan si ginwa' nin imahin na, tan nipamarkawan ray waleng o gamet ra nin si marka nan si makapali'mon ayep,

Nipadar 18:18

nin man'akisan raya antaran mangkikiten ray asok nan si mangkapuuran nin syudad. Wanra, ‘Kasa gapon makakipada sa kabantugan konan siti nin syudad!’

Nipadar 18:9

Ket saray mumag'uray sa mundo nin nikirilasyon kona tan nipapda' nin kalamo' na, pinasya li' nin bereng ra tan umakis sara antaran mantamu-tamurawen ra a asok nan mangkapuuran a syudad.

Nipadar 19:3

Wanra anamanaet nin maksaw, “Raywen tamoya a Dios ta say asok nan mangkapuuran nin syudad ket muli' nin kasan tegen anggan-angga.”

Nipadar 20:10

Ket si Dimunyo nin nangibarang konra, ibantak yadtaw li' sa alawang nin luong nin burung-burong nin asupri nin nangibantakan konan makapali'mon ayep tan si mampibula'-bula' a prupita, ket itaw mikakalamo' saran padya'dyaen sa awro tan yabi anggan-angga.

Nipadar 22:5

Kai anadtaw nin yumabi, ket kai rayna matkap a tyo' o say palaway nan awro bana' ta si Uunuren a Dios a mamalaway konra. Kipag'uray sara kona anggan-angga.

Nipadar 7:12

wanra, “Peteg a wanin! Raywen tamoya a Dios tamo. Madunong ya, makapangyayadi' ya tan magsen ya! Kisalamatan tamoya! Marayo ya, mapagalangan ya, tan itandudo' ya anggan-angga. Peteg a wanin anaod!”