Nipadar 12:2 - Si Biblia NT

² Mampangingar yayti nin mangabing kanya' nin man-gumuryaw ya sa irab tan idap.

Nipadar 12:2 Iomraidhean Croise

Mateo 24:8

Bale' sain ket tarana' tamo' et nin rumate' nin dya'dya', kapadan tarana' nan mangingar nin sayay mangabing.

Juan 16:21

Say kapada ket say masakit a pangingirangep nan idap nin sayay mangabing. Bale' kayadi' nayna li' nin mangabing, malingwanan nayna a idap na bana' ta pinasya ana li' nin ririket na bana' ta naiyabing yayna a anak na.

Galacia 4:19

Sa pangangawa'nan ko komoyo, a'nak koynan diri a pangngikwinta ko komoyo, ket mampangirangep ako anamanaet nin idap nin kapada nin idap a irangep nan sayay mampangingar nin mangabing angga nin ma'kit a si Cristo ana a peteg nin mampag'uray sa byay moyo.

Galacia 4:27

ta wanin a mabasa tamo sa Masanton Kasuratan. Wana, “Rumiga tan gumuryaw ka bana' sa ririket, si'kan babayi nin kai manganak ket kai et nin nakairangep nin irab nin mangabing, ta mas abaw saray a'nak mon si'ka nin linamang dyan si syay kalamo' nan asawa.”

Nipadar 12:4

Rinapad na nin ikoy na a kakatlo nin bubituen ket naitampal ti sa luta'. Mi'sa nako ya nin inumdeng sa adapan nan babayin mampangingar nin mangabing ta pigaw nin kanen nayay anak nan siti eteng na tanan lumiwa'.