Nipadar 1:6 - Si Biblia NT

⁶ Nibiang natamo sa pag'aadi' na ket ginwa' natamo nin pupadi' nin magsirbi konan Dios a sya a Dios na tan Ama na. Itandudo' ya anaod a ngaran na tan mag'adi' ya anggan-angga! Peteg a wanin.

Nipadar 1:6 Iomraidhean Croise

Mateo 6:13

Andi' rakami nin iyadap sa mabyat tuloy a panunubok tan ikadayo' nakami konan si sya a Kadukaan.

Juan 5:23

ta pigaw nin say sarban tawo ket pagalangan rakon si Anak na a maikalamo' sa pammagalang ra konan Ama ko. Si si'numan a kai nin mamagalang kongko a si Anak na, kai naya anamaet nin mampagalangan a Ama ko a sya a namaki' kongko.

Roma 11:36

Syay namarsa nin bungat ana. Syan lamang anamaet a mampangalinya nin sarba, tan say sarba ket nigagaran pangibwatan nin rayo na. Itandudo' ya kumon a ngaran nan Dios anggan-angga! Peteg a wanin!

Roma 15:6

Ket no wanin, mag'in kamo nin sayan-saya nin mangrayo konan Dios a syay Ama na ni Uunuren tamon Jesu-Cristo.

Filipos 2:11

tan ta pigaw nin say sarba nga'min ket, alilbien ra a si Jesu-Cristo syay Uunuren. Ket mangkarayo ya a Dios a Ama konan siin.

1 Timoteo 6:16

Sya tamo' a puon nin byay a kasan makapangrep tan syay mampiikap sa pinasyan tuloy salag nin palaway a kasa gapo nin makakadani. Kasa et gapo nin naka'kit kona ta kasa gapo anaod nin magwa' nin kumikit kona. Pagalangan ya lawas kumon tan magnayon kumon a mag'uray ya. Peteg a wanin.

Hebreo 13:21

Sawanin, ibi na kumon komoyo mangibwat kona ni Jesu-Cristo a sarba nin matkap moyon tulong ta pigaw nin magwa' moyoy karabayan na para komoyo leleg nin gaw'en na komoyo no ani a makapaririket kona. Ket, sapa kumon ta itandudo' ya a ngaran na anggan-angga! Peteg a wanin.

1 Pedro 4:11

Saraytaw saray pinuyaan nin pakababa' nin mangipatanda', matkap a mag'irgo saran bilang sayay mangingilalaman konan Dios. Saray pinuyaan nin pakababa' nin tumulong, matkap a pakaseseg sara nin tumulong mangibwat sa pamamaaluyon nan gesen nin Dios konra. Wanin a gaw'en moyo ta pigaw nin sa sarban gaw'en moyo bana' sa ginwa' na ni Jesu-Cristo komoyo ket, maitandudo' yay ngaran nan Dios. Sya a pagalangan tan mag'uray anggan-angga. Peteg a wanin.

1 Pedro 5:11

Anggan-angga anaod nin mag'uray yan main nin pakayadi' sa sarba! Peteg a wanin.

2 Pedro 3:18

Say maabig ket si lamu'nan moyo a mabistan gawa'-gawa' moyo nin paka'kitan nin kamaungan na ni Jesu-Cristo a syay Uunuren tan Mangingisalba tamo. Lamu'nan moyo et a lamang a pakatanda' moyo kona. Itandudo' yay ngaran na sawanin tan anggaynan-angga! Peteg a wanin.

Judas 1:25

Syay bukod a Dios tan syay Mangingisalba tamo bana' kona ni Uunuren tamon si Jesu-Cristo; ket sya, raywen tamoya kumon nin sarba bana' ta igagalang ya, sangkata'gayan ya, makapangyayadi' ya, tan ata'gay a uray na. Main anayti nga'min kona ba'yo na et nin pinarsa a sarba. Main ti et nga'min kona sawanin tan magnayon nin main ti kona nin anggan-angga.

Nipadar 1:9

Si'ko anaod si Juan nin busat moyon mammemper. Kalamo' rako anamaet nin si'kamon tumutumbok na ni Jesus ket kapada moyo, mampangirangep ako nin idap tan madaer ako tan mangkipag'uray ako kona. Bana' ta nipatandaan koy minsahi nan Dios tan nipatanda' koy maipa'ka' kona ni Jesus, sinintinsyawan akon nitampal iti sa isla nin Patmos.

Nipadar 4:11

“Si'kay Uunuren tan Dios mi. Maikana' a ipata'gay tan igalang ka tan alilbien a pakayadi' mo. O' a ta si'ka a namarsa nin sarba. Bana' ta siin a rabay mo, naparsa tan main ana a sarba.”

Nipadar 5:10

Nibiang mosara sa pag'aadi' mo ta pigaw nin makakipag'uray sara komo sa luta', tan ginwa' mosara nin pupadi' nin magsirbi konan Dios tamo.”