Lucas 9:8 - Si Biblia NT

⁸ Wanran raruma ket pinaipa'kit ya si Elias a sayay prupita nan Dios sin saytaw, tan wanra anamaet nin raruma ket saya ya si Jesus konran prupita nan Dios sin nu'nan panaon a sinmubli' nin mabyay.

Lucas 9:8 Iomraidhean Croise

Mateo 16:14

Wanra nin ni'bat, “Main nin mamarita' a si'ka si Juan a Mammawtismo, bale' main anamaet nin mamarita' a si'ka si Elias. Saray raruma et ibarita' ra a si'ka si Jeremias, o no kai, saya ka konran saray prupita.”

Mateo 17:10

Wanra nin tumutumbok na kona, “Wanra bale' nin Madudunong sa Gugan-gan ket matkap a rumate' ya yapo' si prupita Elias mi'sa sitaw si sayan nipangako' nan Dios?”

Marcos 6:15

Main anamaet nin wanra, “Sya si Elias a prupita na intaw nin Dios.” Main et anamaet nin raruma a wanra, “Sayay prupita ya nin bilang konran prupita sin nu'nan panaon.”

Marcos 8:28

Ket wanra nin ni'bat, “Si Juan a Mammawtismo; wanran raruma si Elias; saray raruma et wanra a saya ka konran saray prupita sin nu'na.”

Lucas 9:19

Ket ni'bat ra, “Si'ka kano si Juan a Mammawtismo, bale' main anamaet nin namarita' a si'ka si Elias. Saray raruma et wanra a saya ka kano konran saray prupita nan Dios sin nu'nan panaon a sinmubli' nin mabyay.”

Juan 1:21

Ket wanra kona, “Si'no ka edet? Si'ka para si Elias a wanran sumubli' iti?” Ket wana, “Kai, ambo' ako.” “Si'ka para edet taw si Prupita a man'irgwen na ni Moises?” nitepet ra anamaet kona. “Kai,” wana nin inumbat.