Lucas 7:41 - Si Biblia NT

⁴¹ Wanti a wana ni Jesus, “Main nin rwa ray tawon main nin utang. Say alagan utang nan saya ket limanyasot nin swildon sayay awron pagtatrabaho tan si saya anamaet ket limampulo'.

Lucas 7:41 Iomraidhean Croise

Mateo 18:28

Nibwat yaynay upisyal ket nakasna' yan sayay upisyal na anamaet lamang nin adi' a main nin daite' nin utang kona. Nipukpok naya mi'sa naya nin binikkel tan wana kona, ‘Bayadan moy utang mo!’

Mateo 6:12

Pirdunawen rakami kumon sa kukasalanan mi kapada nin pammirduna mi anamaet konran nagkasalanan komi.

Marcos 6:37

Bale' wana ni Jesus konra, “Si'kamoynay mamin ma'kan ra.” Ket wanra, “Adti kami kadi' nin makasaliw nin tinapay a gumli ana nin ribu-ribo ta pigaw nin ipakan konra?”

Lucas 11:4

Pirdunawen rakami kumon sa kukasalanan mi. Anaod, si'kami, mampirdunawen misara anamaet a mampangwa' nin duka' komi. Andi' rakami nin iyadap sa mabyat tuloy a panunubok.’ ”

Lucas 12:48

Bale' si ingkargado a kai nin magtanda' sa karabayan nan amo na, ket nakagwa' yan subag kona, buga' tamo' a panunusa kona. Anaod, si sayay binyan nin abaw o nangipyawan nin abaw, mas abaw anamaet a ilalwan kona.”

Lucas 13:4

Saya et, saray labinwaloy tawon nati nin nadag'anan nan latudi nin itaw sa Siloe, sa wamoyo, mas makasalanan sara dyan saray kapada ran mampiikap sa Jerusalem?

Lucas 7:40

Ket si Jesus nag'irgo ya a wana, “Simon, main pan ibarita' ko komo.” Wanan ni'bat ni Simon, “O' sigi, Maistro.”

Lucas 7:47

Edet, ibarita' ko komo, napirduna ana a abaw nin kasalanan na kanya' nin alaki a ado' nan nipa'kit na. Bale' anamaet, si napirduna sa daite', daite' anamaet a pangangado' nin ipa'kit na.”

Roma 3:23

ta sarban tawo, nagkasalanan tan mampagkurang sa sangkaandaan a pigagawa' nan Dios.

Roma 5:20

Ket no maipa'ka' anamaet sa Gugan-gan, nibi nayti nin Dios ta pigaw nin no subagen tamo ket maipa'kit a ka'bawan anan kukasalanan tamo. Bale' abirno nin pa'no man ka'baw a kukasalanan tamo, mas alaki nin adayo' a kamaungan nan Dios kontamo.