Lucas 7:22 - Si Biblia NT

²² Kanya' nin wanti a ni'bat na konra, “Sumubli' kamo kona ni Juan ket ibarita' moyo kona a sarban na'kit tan narnge' moyo. Maka'kit saray bulag; makalalako saray lupoy; napaanda' saray liprusyen; makarnge' saray telek; napasubli' saran mabyay a nati; tan man'ipatanda' yay Mabistan Patanda' konran pubri.

Lucas 7:22 Iomraidhean Croise

Mateo 11:5

Ibarita' moyo kona a saray bulag, maka'kit sarayna; saray lupoy, makalalako sarayna; saray main nin duka' a masakit sa katat, napaanda' sarayna; saray telek, makarnge' sarayna; saray nati, pinasubli' kosaran mabyay; tan konran maidap a byay, man'ipatanda' koyay Mabistan Patanda'.

Mateo 21:14

Nako saradtaw kona ni Jesus sa sakop nan Timplo nan Dios a bulag tan saray pilay ket pinaanda' nasara.

Lucas 4:18

“Si Ispirito nan Dios mampag'uray ya kongko ta tinudo' nakon ipatanda' yay Mabistan Patanda' konran pubri. Nibaki' nakon ibarita' ko konran pa'sar nadakep ran kalaban a mabulusan sara, a paandaen saray bulag, a pag'inawnen saray mangkapaidap

Lucas 7:21

Sin sain, kapresan na ni Jesus a mampamaanda' nin abaw a main nin masakit, mampamalakwan nin ispiriton duka', tan mampanambar nin abaw a bulag ta pigaw nin maka'kit sara.

Lucas 7:23

Ket, makarma' yay tawon kai gapo nin maglat a pangungunor na kongko.”

Juan 1:46

Konan siin, wana ni Natanael, “Nazaret! Main para nin maabig a mangibwat itaw?” “Para, kikiten mo,” wana ni Felipe.

Ginwa-ginwa' 26:18

Luatan mo li' a mata ra, ket mangibwat sa dedlem, ika' mosara sa palaway tan mangibwat sa sirong nin pakayadi' na ni Satanas ket ika' mosara sa sirong nin pakayadi' nan Dios. Gaw'en moyti ta pigaw nin yupa' sa pagmamatalek ra kongko, pirdunawen a kukasalanan ra tan makakibiang sara konran nipurok nan tutawo nan Dios.’ Wanin a nibarita' nan Uunuren kongko.”

Ginwa-ginwa' 8:7

Abaw saray uispiriton duka' a man'umasisit nin pinalakwan na konran saray nasrepan ra, tan napaanda' nasaray abaw nin paralitiko tan pilay.

Santiago 2:5

Rumnge' kamo, mampablyen kon bubsat. Si Dios, pinili' nasara a pubri iti sa mundo nin mag'in nin mayaman sa pammemper, ket ipaikon naya konra a Pag'adian na nin nipangako' na konran saray mangado' kona.