Lucas 4:4 - Si Biblia NT

⁴ Bale' ni'bat na kona ni Jesus, “Wana sa Masanton Kasuratan, ‘Ambo' a say kanen tamo' a ikabyay nin tawo.’ ”

Lucas 4:4 Iomraidhean Croise

Mateo 4:4

Bale' ni'bat na ni Jesus, “Wana sa Masanton Kasuratan, ‘Ambo' a say kanen tamo' a ikabyay nan tawo no kai matkap na a barang sarita' a mangibwat konan Dios nin ikabyay.’ ”

Mateo 6:31

Kanya' nin, andi' kamo nin umaburido maipa'ka' sa ikabyay moyo, a no adti kamo mangalap nin inumen, kanen, tan isket moyo.

Lucas 22:35

Mi'sa wana ni Jesus konran saray apostoles na, “Sin nibaki' katamon mangyakay nin kai katamo nin pinibalon nin kwarta, bag tan apin nin ayi, nagkurang kamo para?” “Kai,” wanran ni'bat.

Lucas 4:10

Tutal, wana sa Masanton Kasuratan, ‘Bibilinen nasaran Dios a uanghil na nin prutiktawan raka,

Lucas 4:3

Ket wanan Dimunyo kona, “Bana' ta si'kay peteg a Anak nan Dios ket pagbaliwen man tinapay tin bato.”

Lucas 4:8

Ket wanan ni'bat ni Jesus, “Wana sa Masanton Kasuratan, ‘Si Uunuren a Dios mo tamo' a unuren tan pagsirbyan mo.’ ”

Efeso 6:17

Matkap moyo et a say bilang hilmit nin prutiksyon moyo a say pangingisalba nan Dios komoyo. Akuen moyoyti tan say bilang ispada nin pakilaban moyo a say nibarita' nan Dios nin ipapanemtem nan Ispirito na komoyo.