Lucas 4:16 - Si Biblia NT

¹⁶ Sawanin, nako ya si Jesus sa Nazaret, si babalin inalakyan na. Bilang sa ugali' nan gaw'en, nako ya sa sinaguga sin Awron Painawa. Ket inumdeng ya ta pigaw nin mamasa yan Sarita' nan Dios.

Lucas 4:16 Iomraidhean Croise

Mateo 2:23

ket niikap saradtaw sa babalin Nazaret nin abaw a taon. Anaod, natukid a wanran prupita nan Dios maipa'ka' kona ni Cristo, a matawag ya li' nin sayay taga Nazaret tamo'.

Lucas 2:39

Sin nayadi' rayna a sarba sigon sa Gugan-gan nan Dios, sinmubli' sarayna sa dirin babali ran Nazaret sa prubinsyan Galilea.

Lucas 2:42

Ket, sin labinrway taon nayna ni Jesus, nayi ya nikipista konra.

Lucas 2:51

Ket nayi yayna konran mangatua nan sinmubli' sa Nazaret. Matulok yan tuloy konra. Si Maria, iti tanan pirmi sa nakem na tan inisip-isip nay sarban mampangyadi'.

Lucas 4:15

Ket nangyakay ya sa susinaguga nin mampangraywan ra ket rinayo yan sarban tawo.

Lucas 4:17

Nibi ran basawen nay lulon nin nisurat na ni Prupita Isaias. Binuka' naya sa parti nin wanti a nakasurat:

Lucas 4:21

Wana konra sin sain, “Natukid sawanin ti leleg nin manreng'en moyon binasa.”

Lucas 4:23

Ket wana ni Jesus, “Pihon ibarita' moyayti kongkon wanra, ‘Duktor, tambaren moy lalaman mo!’ tan ‘Gaw'en mo anamaet iti sa babali mon diri a narnge' min ginwa-ginwa' modtaw sa Capernaum.’

Juan 18:20

Inumbat ya si Jesus, “Adap-adapan akon nag'irgo sa pangrerenge' ran abaw a tutawo; nangyakay-akay ako sa susinaguga tan itaw sa sakop nan Timplo, nin sayti a lugar nin pididinepan ran sarban Judio. Kasa gapo nin nibarita' ko nin budian.

Ginwa-ginwa' 17:2

Bilang sa man-gaw'en nayna nin gindat ni Pablo, naku-nako ya sa sinaguga. Ket sindo Awron Painawa sa luob nin tulon linggo, nikipapalawayan ya konran tutawodtaw.