Lucas 3:23 - Si Biblia NT

²³ Si Jesus, sin nitarana' nay mangyakay, magtulumpulo' a taon nayna. Ket say tanda' ran tutawo, si ama na ket si Jose. Si Jose ibat ya sa puri na ni Eli. Si Eli

Lucas 3:23 Iomraidhean Croise

Mateo 1:1

Si Jesus a sya a Cristo ket puri naya ni Adi' David a puri na ni Abraham. Siti a nikasunur-sunor ran puon na ni Jesus.

Mateo 1:16

tan si Jacob ama naya ni Jose nin asawa na ni Maria nin si nangiyanak kona ni Jesus a mantawagen nin Cristo.

Mateo 1:6

Si Jesse a ama na ni Adi' David. Si David, sya a ama na ni Solomon ket si ina na ni Solomon si gindat a asawa na ni Urias.

Mateo 13:55

No, anak naya tamo' in nin si karpintiro! Siin ket si Maria a ina na tan kaka raya ni Santiago, Jose, Simon, tan ni Judas!

Mateo 4:17

Ket nangibwat sin rinmate' yadtaw sa Galilea, tinaranaan nayna ni Jesus a mamari-barita' konran tutawo, a wana, “Pagbabawian tan gurutan moyoynay kukasalanan moyo ta adani yayna nin mag'adi' a Dios.”

Marcos 6:3

Ambo' ya tamo' paran sayay karpintiro in? Kai para a si Maria a ina nan siin tan kaka raya ni Santiago, Jose, Judas, tan Simon? Kai para a saray ari nan bubbayi ket iti saran gindat nin mampiikap?” Ket kasa gapo nin kwinta na konra tan kai sara nin namper kona.

Lucas 2:48

Sin na'kit rayan itaw ket nabigra' saray matua na ket wana ni nanay na, “Anak ko, mayin a ginwa' moyti komi? Aburido kami anan tuloy ni tatay mo nin mampaningkap komo.”

Lucas 3:31

ibat ya sa puri na ni Melea. Si Melea ibat ya sa puri na ni Mainan. Si Mainan ibat ya sa puri na ni Matata. Si Matata ibat ya sa puri na ni Natan. Si Natan ibat ya sa puri na ni David. Si David

Lucas 4:22

Sarba ran itaw, rinayo raya tan naka'ngap sara bana' ta say inirgo na ket makapaririket nin reng'en ket wanra, “Kai para a anak naya in ni Jose?”

Juan 1:45

Sawanin si Felipe, kina' naya nin tiningkap si Natanael tan wana kona, “Nadumog miya! Syaytaw si man'irgwen na ni Moises sa nisurat na tan say nisurat ra et nin prupita. Sya si Jesus a taga Nazaret nin anak na ni Jose.”

Juan 6:42

Wanra, “Ambo' para a si Jesus yayti nin anak na ni Jose? Tanda' tamo saran peteg a matua na. Ambale' a wana ket kinmayupa' yan ibat sa langit?”

Ginwa-ginwa' 1:1

Mampablyen kon Teofilo, Itaw konan u'nan libro ko, nisurat-surat ko a maipa'ka' sa sarban nitarana' na ni Jesus nin gaw'en tan iyakay,