Lucas 24:2 - Si Biblia NT

² Ket narate' rayan natulin anaytaw si baton nipanada' konan nanabunan.

Lucas 24:2 Iomraidhean Croise

Mateo 28:2

Kapingmatan, bigra' yan rinmayon nin maksaw. Ket, si sayay anghil nan Dios kinmayupa' yan nangibwat sa langit; nitulin nayay baton sada' nan pantyon mi'sa naya nin tinekrean.

Lucas 24:1

Ket sin parbangon et tamo' sin awron Linggo, nako saraynay bubbayi sa nanabunan kona ni Jesus nin awit ray banglon nisadya' ra.

Lucas 24:3

Bale' sin linmuob sara, kasa yaynadtaw a bangkay na ni Uunuren a Jesus.

Juan 11:38

Ginmereng ya anamana nin maong si Jesus, ket kinmadani ya sa nanabunan kona ni Lazaro a siti ket yukib ya nin sinadaan nin alakin bato.

Juan 11:41

Ket, ginlat rayay bato. Ket, tinmangar ya si Jesus tan wana, “Ama ko, kisalamat ako komo ta rinnge' nako.