Lucas 1:53 - Si Biblia NT

⁵³ Mampabsuyen nasara sa matkap ray mampagkurang, bale' konran mumayaman paibwaten nasaran kal-la gamet.

Lucas 1:53 Iomraidhean Croise

Mateo 5:6

Makarma' saray makaingar sa pakatkapan ran mangwa' nin maabig sa pangingikit nan Dios, ta papdaen nasara nin Dios nin mangwa' nin sain.

Lucas 1:54

Tinulungan natamon si'tamon mampagsirbi kona nin puri na ni Israel. Anaod, tinukid na a pangako' na nin pangingipa'kit na kontamo nin inganga'do nan magnayon anggan-angga a sigon sa nipangako' na kona ni puon tamon si Abraham pati konran puri na.” Sain a wana ni Maria.

Lucas 6:21

Makarma' kamon si'kamon makaingar sawanin sa pakatkapan moyo konan Dios ta papdaen nakamo li'. Makarma' kamon si'kamon man-gumereng sawanin ta rumiriket kamo li'.

Lucas 6:24

Kado' kamo li' nin mumayaman ta nagkunswilo kamoynadti sa luta'.

Juan 6:35

Wana ni Jesus nin nipapalaway, “Si'ko a ikabyay a mami nin peteg nin byay. Ket, si si'numan a umarak kongko nin magmatalek ya, mapda' yan liso a bilang kai yayna gapo nin gumitil o milata'.

1 Corinto 1:26

Kiten moyo tanay kapapa'sar moyo, inado' kon bubsat. Sin kinayaban nakamon Dios, matalag sara komoyoy madunong sigon sa pangingikit ran tutawo. Matalag sara komoyoy main nin mababa' tan matalag sara anamaet a ata'gay a nikatawo ra.

1 Corinto 4:8

Mampangimey kamo a bara'mon kumplito kamoyna sa kamaungan nan Dios tan kasaynan pakatkapan moyo et kona! Bara'mo kamoynan mampag'uray itaw sa Pag'adian nan Dios, ket linabasan rakami ana nin mangangakay moyo! Page' pa anaod kumon nin mampag'uray kamoyna, ta no wanin kumon ket makakipag'uray kami komoyo anamaet!