Lucas 1:51 - Si Biblia NT

⁵¹ Man'ipa'kit na sa gawa'-gawa' na a alakin kapangyadian na. Pitayak-tayaken nasaray mampipata'gay,

Lucas 1:51 Iomraidhean Croise

Roma 1:21

O' tanda' raynan sarba nga'min nin tutawo a maipa'ka' konan Dios tan tanda' ran manepeg yan raywen, bale' kai raya nin raywen. Kai raya et nin kisalamatan bana' sa mabistan ginwa' na, no kai edet, say pipanemtem ra ket say kasan kakanaan maipa'ka' konan Dios. Edet, bara'mon nasalimbengan nin dedlem a pinanakem ra.

2 Corinto 10:5

Talwen mi in say pilusupya tan uakay ran saray tutawo nin mipata'gay nin makabangen sa pakaalilbi' konan Dios; man'ipatunong mi a sarban man'isipen ra ta pigaw nin say pangingisip ra ket maitukoy sa karabayan na ni Cristo.

1 Pedro 5:5

Si'kamo anamaet nin mangalalago', paisirong kamo konra nin mangatuntawo. Ket sarba moyon si'kamon mammemper, mipaayupa' kamon magsirbi sa saya tan saya. Matkap a wanin moyo bana' ta mabasa sa Masanton Kasuratan a wana, “Kuntrawen nasaran Dios a marangas, bale' tulungan nasara anamaet a maayupa' a nakem.”

Nipadar 18:8

Kanya' nin midadagop nin mapi'sa-pi'san rumate' kona a dya'dya'. Ket mirirngan na anaod nin irangep a sakit, kaberengan tan bitil, mi'sa puuran ya nin sidaen bana' ta si Uunuren a Dios nin manusa kona ket makapangyayadi' ya.