Juan 4:16 - Si Biblia NT

¹⁶ Wana ni Jesus kona, “Keen ma nin kayaban a asawa mo, mi'sa kamo nin sumubli' iti.”

Juan 4:16 Iomraidhean Croise

Juan 1:42

Ket, ni'ras naya si Simon kona ni Jesus. Pinastang nayan maong ni Jesus mi'sa wana, “Si'ka si Simon a anak na ni Juan, ngaranan kata nin Cefas.” (Sitin ngaran sa Griego ket Pedro tan say katarusan na ket bato.)

Juan 21:17

Nitepet nan pitlo ni Jesus, “Simon a anak na ni Juan, si'ko para a mampablyen mo?” Ginmereng ya si Pedro ta pinitlo na nin nitepet ni Jesus no mampablyen naya. Anaod inumbat ya si Pedro a wana, “Uunuren, tanda' mo a sarba. Tanda' mo a mampablyen kata.” Wana anamanaet ni Jesus kona, “Edet, pagawan mosaray pa'sar karniro ko.

Juan 4:15

Ket wana nin babayi kona, “Ser, byan nako pa nin siin nin ranom ta pigaw nin kai akoyna gapo nin milata' ket kai koyna nin matkap a makodti et nin manago'.”

Juan 4:17

“Kasa nin asawa ko,” wana nin babayi. Ket ni'bat na ni Jesus kona, “Kusto in si wamo a kasa nin asawa mo,

Juan 4:18

ta lima rayna a nag'in nin asawa mo, bale' siin si ka'yan mo sawanin ket ambo' ma nin asawa. Siin si nibarita' mo a kasan asawa mo ket tutuo ya.”

Hebreo 4:13

Kasaynaod nin maiyadi nin animan konan Dios, nin si'numan. Sarba nga'min, nakapadar sa pangingikit na, tan kona, kikwintawan atamo sa sarba.

Nipadar 2:23

Ket saray tumutumbok na nin man'ikwintan a'nak na, patyen kosaran kasan inganga'do. Sa wanin, matandaan ran mammemper sa sarban lugar a si'ko a makatanda' sa kukaisipan tan kanakman ran tutawo. Tubaleen ko a barang saya komoyo dipindi sa ginwa-ginwa' na.