Juan 21:5 - Si Biblia NT

⁵ Wana ni Jesus konra, “Uamigo, main nin nakalap moyo?” Ket, “Kasa gapo anaod,” wanra nin ni'bat.

Juan 21:5 Iomraidhean Croise

Mateo 14:15

Sin dumedlem ana, kinmadani saray tumutumbok na kona ket wanra, “Mandumedlem ana ket kasa pa et nin bubalidti, kanya' nin paibwaten mosarayna nin makapako sara sa raruman bubaryo ket makasaliw saran kanen ra.”

Marcos 8:7

Main anamaet nin umno ray madidintek nin kuna'. Nayadi' ya nin nikisalamat konan Dios, nibi nayti konran tumutumbok na nin itayak ra anamaet konran tutawo.

Filipos 4:19

Ket si Dios nin mampamaga kongko, a syay main nin ikon nin kai masukat nin kayamanan, sya a mami nin masurok nin sarba nga'min nin matkap moyo bana' konan si Cristo a si Jesus.

Hebreo 13:5

Andi' kamo nin rupan kwarta. Mapda' kamoyna sa no ani a main moyo bana' ta wanan mismo nin Dios, “Kai kata gapo nin pauryan tan kai kata gapo nin lakwanan.”

1 Juan 2:13

Si'kamo nin pa'sar ket mangatuntawo ana sa pammemper, mampanurat ako komoyo bana' ta tanda' tamo a katanda' moyaytaw si main yayna nin gindat sin tinmarana' a sarba. Si'kamon pa'sar ket mangalalago' et sa pammemper, mampanurat ako komoyo bana' ta tanda' tamo a nadaeg moya si sya a Kadukaan.

1 Juan 2:18

Man'aduen kon a'nak, dandani ana mangangga a kapresan nin kapapa'sar iti sa mundo! Narnge-narnge' moyoyna sa niyakay komoyo a main li' nin lumiwa' a mansabtan nin si kuntra kona ni Cristo. Ket sawanin ma'kit moyo a abaw sarayna a manlumwas nin kuntra kona ni Cristo, ket bana' sa wanin, masigurado tamo a peteg nin dandani ana anaod nin mangangga.