Juan 11:3 - Si Biblia NT

³ Ket bana' ta wanin anaod, namaki' sara si Maria tan Marta nin mako nin mangiparate' kona ni Jesus a wana, “Ser, si amigo mo nin kawa'nan mo, ket main nin masakit na.”

Juan 11:3 Iomraidhean Croise

Lucas 7:13

Sin na'kit naya ni Jesus tin babayi, kina'dwan naya ket wana kona, “Andi' ka nin umakis.”

Juan 11:1

Main nin mibubsat a mampiikap sa babali nin Betania a say ngaran ra Maria, Marta tan Lazaro. Si Maria, syaytaw si mangiyapros nin banglo sa ayi na ni Uunuren a Jesus mi'sa na punasan nin sabot na. Ket si Lazaro, main nin masakit na.

Juan 11:11

Ket nituloy na, “Si amigo tamon si Lazaro ket mampa'lek ya. Keen koya nin pukawen.”

Juan 11:21

Wana ni Marta kona ni Jesus, “Ser, no iti kamo tamo' kumon, kai ya nin nati a busat mi!

Juan 11:36

Konan siin, wanra nin Judio, “Kiten moyo no pa'no nin kaalaki a pangangawa'nan na kona!”

Juan 11:5

Anaod, inado' nasaran maong ni Jesus tin mibubsat a Marta, Maria tan Lazaro.

Juan 13:13

Say tawag moyo kongko ket Maistro tan Uunuren, ket kusto in ta siin ako.

Juan 13:23

Si tumutumbok nan kawa'nan na nin maong ni Jesus, syay iti sa dani na.

2 Timoteo 4:20

Si Erasto pinaibati' ya sa syudad nin Corinto. Si Trofimo anamaet ket nibati' koyadtaw sa Mileto ta main nin masakit na.

Nipadar 3:19

Panemtemen moyo a sarba ran kawa'nan ko, kasagran tan disiplinawen kosara nin pangangakay ko konra. Ket anaod, pagbabawian moyoynay pag'in moyon matab'ang tan pakaseseg kamo sa kabibyay moyon matulok kongko.