Juan 1:31 - Si Biblia NT

³¹ Mataman nin si'ko nin diri, kai ko tanda' a sya anayti sin saytaw. Wanin man, nako akodti nin lamang nin mamawtismo sa ranom ta pigaw nin matandaan ko no si'no ya ket maipatandaan koya komoyo nin puri na ni Israel.”

Juan 1:31 Iomraidhean Croise

Mateo 3:13

Ket rinmate' yadtaw sa Ilog Jordan nin nangibwat ya sa prubinsyan Galilea si Jesus ta pigaw nin pabawtismo ya kona ni Juan.

Mateo 3:6

Ket sin nipatutuo ray kukasalanan ra, binawtismwan nasara sa Ilog Jordan.

Lucas 1:17

Say pinanakem tan pakayadi' na ket bilang sa nibi nan Ispirito nan Dios kona ni Elias a prupita nan Dios sin nu'nan panaon. Pasublien na li' a mabistan pisisimbatan nin mangatua tan ua'nak. Saray subag konan Dios ket, gaw'en nan kipada anay pangingisip ra konran matunong. Ket mu'na yayna ta pigaw nin isadya' nasaray tutawo sa pag'uuray nan Uunuren.”

Juan 1:30

Syaytaw si man'irgwen ko sin wangko a si rumate' nin kasunor ko ket mas ata'gay ya dyan si'ko ta main yayna sin saytaw et nin nu'na ya dyan si'ko.

Juan 1:32

Sawanin, sayti a nipamatutuo na ni Juan. “Si'kon diri, na'kit koya anaod a Ispirito nan Dios nin mangkumayupa' nin ibat sa langit nin bilang sayay kalapati tan nisyon ya konan siti.

Juan 1:33

Kai koya kumon nin tanda', bale' si nangibaki' kongko nin mamawtismo sa ranom, wana kongko, ‘Si ma'kit mo nin dupaan na nin Ispirito tan pisyunan naya, sya a mamawtismo sa Ispirito.’

Juan 1:7

Nibaki' nayan Dios nin patutu'wan nay maipa'ka' konan siti nin palaway ta pigaw nin say sarban tawo, pagmatalkan rayayti bana' sa ipatutuo na ni Juan.

Ginwa-ginwa' 19:4

Ket wana ni Pablo, “Say nipamawtismo na ni Juan ket paka'kitan nin pagbababawi' sa kasalanan. Bale' nibarita' na konran saray mampangrenge' a matkap a magmatalek sara konan si sumubray kona, a sya anaod si Jesus.”